ადამიანთა უმრავლესობას მიაჩნია, რომ ინიციატივის გამოჩენა უსიამოვნების გამოწვევის მიზეზია. სინამდვილეში ყველაფერი პირიქითაა. რისკის უქონლობა არ იძლევა სიმშვიდისა და წარმატების გარანტიას სამსახურსა და ცხოვრებაში.წარმატებისკენ სავალ გზაზე ფსიქოლოგების რამდენიმე რჩევაც დაგეხმარებათ. წარუმატებლობა უდრის წარმატებას დროებითი წარუმატებლობის შედეგები, ისევე, როგორც რისკის, არც ისე საშინელია, როგორც ერთი შეხედვით ჩანს. ნებისმიერ წარმატებულ ადამიანს გავლილი აქვს წარუმატებლობის ეტაპი. მხოლოდ მისი გადალახვის შემდეგ მიიღო მან დამსახურებული შედეგი. გაიხსენე მაიკლ ჯორდანი, რომელიც სკოლის გუნდიდან გარიცხეს; ან ჯოან როულინგი, რომელსაც ბევრმა გამომცემელმა უარი უთხრა “ჰარი პოტერის” გამოცემაზე. მთავარია, არ დანებდეთ.
დამატებითი ნაბიჯის გადადგმის წესი ყველას შეუძლია დამატებითი ერთი კილომეტრის გავლა. წესად გაიხადეთ იმაზე მეტის გაკეთება, ვიდრე გავალებენ. ნუ მოგერიდებათ იმის დემონსტრირება, რომ რაიმე არ იცით. კითხვების დასმა ნიშნავს, რომ არ ივიწყებთ წარმატების საიდუმლოს ერთ-ერთი კომპონენტს.
არცოდნა არ ნიშნავს, რომ არ ისწრაფვით ცოდნის მისაღებად. როცა კითხვას სვამთ, ამით ნაბიჯს დგამთ ურთიერთგაგებისკენ. მოიქეცით სწორად (შეხვედრაზე) თითოეული შეხვედრა არის თქვენი თავის გამოჩენის შანსი. არასდროს დაჯდეთ მაგიდის თავში, თუ თავად არ მიგყავთ სხდომა; დაჯექით სხდომის წამყვანთან ახლოს ან შუაში. შეხვედრაზე ცოტა ადრე მიდით, რათა მაგიდის განაპირას არ აღმოჩნდეთ, სადაც ვერავინ დაგინახავთ და ვერ მოგისმენთ. ყოველთვის თან იქონიეთ ბლოკნოტი და კალამი. შეეცადეთ, შეიტყოთ ბევრი მსჯელობის საგანზე და მოიფიქრეთ რას ილაპარაკებთ შეხვედრაზე. თუ სხდომა თქვენ მიგყავთ, მონაწილეებს დაურიგეთ დღის წესრიგი, თუნდაც ისინი წინასწარ ინფორმირებული გყავდეთ. როცა მოხსენებას აკეთებთ, უყურეთ დამსწრეთ და არა თქვენს ჩანაწერებს. ანუ თქვენ უნდა იცოდეთ საკითხი სრულყოფილად. დროდადრო თქვენი სიტყვების ხაზგასასმელად მონაწილეებს შეხედეთ.
მზერით კონტაქტი აუცილებელია აუდიტორიის ყურადღების შესანარჩუნებლად. ილაპარაკეთ მოკლედ, საინტერესოდ და, რაც მთავარია, საქმეზე. გამართულად იდექით. ამით თქვენ თავდაჯერებულობას გამოხატავთ. დასკვნების გაკეთებისას შეგიძლიათ ოდნავ წინ დაიხაროთ. როცა სხვა საუბრობს, თვალებში უყურეთ მას, თუ ჩანაწერს არ აკეთებთ.
შეხვედრისას არ შეამოწმოთ ფოსტა, არ უპასუხოთ სატელეფონო ზარებს და არავითარ შემთხვევაში არ დაამთქნაროთ. დაარღვიეთ წესები (იშვიათად) საკუთარი წესებით თამაშს ხშირად სათანადოდ ვერ აფასებენ. თუ ყველაზე წარმატებული ადამიანების სიას გადახედავთ, ნახავთ მიღებული ნორმების დამრღვევებს – სწავლადაუმთავრებელი ბილ გეიტსი, Google-ის შემქმნელი ვუნდერკინდები: სერგეი ბრინი და ლარი პეიჯი, რომლებსაც სჯეროდათ, რომ პატარა კომპანიას დიდი მომავალი ჰქონდა და მათი წამოწყება მომგებიანი ვირტუალური პროექტი გახდებოდა.
ყველა ამ ადამიანს სჯეროდა საკუთარი თავის და იდეის ისე ძალიან, რომ არაფრის ეშინოდა. თუმცა მსოფლიო გამოცდილება უჩვენებდა, რომ მათი მცდელობა კრახისთვის იყო განწირული. თუ სიტუაციის შეცვლა არ შეგიძლიათ – შეეგუეთ მას ნებისმიერ ოფისში არსებობს ფაქტორები, რომელთა გაკონტროლება არ შეგიძლიათ. მათი უმრავლესობა ადამიანურ ურთიერთობებს ეხება.
ადამიანები გიშლიან ნერვებს, ეჯიბრებიან ერთმანეთს, გატაცებული არიან ერთმანეთით. ამიტომ რის შეცვლასაც ვერ შეძლებთ, შეეგუეთ. შეგუება მცირე, მაგრამ გარკვეულ უპირატესობას მოგცემთ
წყარო: marao.ge
