„თიბისი ლიზინგი“ მომხმარებელს ერთთვიანი აქციის სახით ახალ პროდუქციას სთავაზობს

„თიბისი ლიზინგი“ პირევლი დეკემბრიდან  მომხმარებელს  ერთთვიანი აქციის სახით ახალ პროდუქციას შესთავაზებს. საოპერაციო ლიზინგის მსურველებს შესაძლებლობა მიეცემათ 0%-იანი თანამონაწილეობის  და ვადის გასვლის შემდეგ ალტერნატივა დაასრულოს ხელშეკრულება, დაიტოვოს, ან განაახლოს არსებული მოდელი. როგორც „თბიბისი ლიზინგის“ დირექტორმა, ნანა მიქაშავიძემ „თბილისი თაიმსს“ განუცხადა, ლიზინგის ერთ-ერთი ყველაზე სტარატეგიული მიმართუელება ავტო-ლიზინგია და სურთ ამ კუთხით მომხმარებელს მრავალფეროვანი პროდუქტი შესთავაზონ. „ჩვენი კომპანია და „ტოიოტას“ ცენტრი დიდი ხანია პარტნიორები ვართ და სწორედ ამიტომ გადავწყვიტეთ, პირველი სატესტო ვარიანტად ამ მარკის არჩევა. გარდა იმისა, რომ მას აქვს დაბალი ფასები გარკვეულ პარამეტრებში, ასევე, გაყიდვების  თვალსაზრისით ოპტიმალური პარტნიორია. შემდეგი წლიდან გვსურს გავამრავალფეროვნოთ ჩვენი მომსახურება და  მომხმარებელს უფრო დახვეწილი და მასშტაბური  პირობები შევთავაზოთ, საკმაოდ ამბიციური გეგმები გვაქვს,“ – აცხადებს ნანა მიქაშავიძე. ავტო-ლიზინგი შესაძლოა არ დააინტერესოს ადამიანებს, რომელთა პრიორიტეტია საკუთრებაში ჰყავდეთ მანქანა. ამასთად დაკავშირებით,  ნანა მიქაშავიძე აღნიშნავს, რომ  მათი მთავარი მიზანია ახალი მანქანა გახდეს  ყველასთვის ხელმისაწვდომი და არა ის, რომ კონკრეტულ პირს საკუთრებაში ჰქონდეს. „ჩვენი მიზანია ადამიანმა გადაიხადოს სარგებლობაში და არა საკუთრებაში.  ახალი მანქანა, ძველთან შედარებით ენერგოეფექტურია და ნაკლებ ეკოლოგიურ პრობლემებს გამოიწვევს, „შენახვის ხარჯები“ თითქმის არ აქვს და დამატებით 3 წლის განმავლობაში საგარანტიო პირობებით სარგებლობს. გარდა ამისა, ტექნიკური გაუმართაობა მეორად მანქანებზე გაცილებით მეტია, ვიდრე ახლის შემთხვევაში.“ ავტო-ლიზინგის  დროს კლიენტს შეუძლია მუდმივად ჰყავდეს განახლებული ავტომობილი. მას არ უწევს ძველის გაყიდვა და შეკეთებაზე ზრუნვა. მომსახურების ვადის გასვლის შემდეგ მომხმარებელს ეძლევა არჩევანის გაკეთების საშუალება: გამოისყიდოს მანქანა წინასწაშეთანხმებულ ფასად, შეცვალოს ახლით, ან დაუბრუნოს მანქანა სალიზინგო კომპანიას. „თიბისი ლიზინგის“ დირექტორის მოადგილე  ნატო ტორონჯაძე: „ბაზარზე ჩვენი ძირითადი კონკურენტები არიან – „ საქართველოს სალიზინგო კომპანია“;  „ემოგო ლიზინგი“;  „ეი-ჯი ლიზინგი“ და კიდევ რამდენიმე სალიზინგო კომპანია. ძალიან გვინდა, რომ ზოგადად ეს ბაზარი განვითარდეს და შესაბამისად, ჩვენს კონკურენტებსაც ვუსურვებ, რომ შექმნან ბევრი პროდუქცია, რათა  ერთად განვავითაროთ ლიზინგი.“ ცნობისთვის: 2003 წელს „თიბისი“ ბანკის ბაზაზე დაფუძნდა –  „თიბისი ლიზინგი“, რომელიც სალიზინგო ბაზარზე  75% -ს ფლობს. ის არის ძირითადი საშუალებების  (სამედიცინო, სამშენებლო, საწარმოო,  და სხვა დანადგარები) დაფინანსების ალტერნატიული გზა. „თიბისი ლიზინგი“ 2015 წელს საუკეთესო  სალიზინგო კომპანიად დაასახელა – Global Banking and Finance Review-მა.    ნანუკა მაღლაკელიძე