237 წლის წინ, აშშ-ს დამოუკიდებლობის დეკლარაცია – ისტორიული დოკუმენტი, რომელშიც ჩრდილოეთ ამერიკის ბრიტანული კოლონიები დიდი ბრიტანეთისგან დამოუკიდებლობას აცხადებდნენ, ერთხმად, მეორე კონტინენტური კონგრესის მიერ 1776 წლის 4 ივლისს ფილადელფიაში მიიღეს.
ჩრდილოეთ ამერიკის კონტინენტზე ახალი სახელმწიფო – ამერიკის შეერთებული შტატები შეიქმნა.
დეკლარაციის მიღების დღე – 4 ივლისი აშშ-ში დამოუკიდებლობის დღედ ითვლება. დეკლარაცია პირველი ოფიციალური დოკუმენტი გახდა, რომელშიც კოლონიები ამერიკის შეერთებულ შტატებად იხსენიება.
აშშ-ს დამოუკიდებლობის დღე საქართველოშიც აღინიშნება. აშშ-ს ელჩმა საქართველოში რიჩარდ ნორლანდმა ამერიკის დამოუკიდებლობის დღესთან დაკავშირებით საელჩოში გუშინ გამართული ღონისძიების მონაწილეებს ქართულად მიმართა.
„ჩემი გზავნილი დღეს მარტივია – ამერიკა თქვენთან არის”, – აღნიშნა ნორლანდმა, რომელმაც თავის გამოსვლებში ყურადღება ორ ქვეყანას შორის არსებულ ურთიერთობებს და ამ ურთიერთობების გაღრმავებაზე გაამახვილა.
სიტყვით გამოსვლის შემდეგ ელჩმა აღნიშნა, რომ საქართველოს მთელი პოლიტიკური სპექტრის წარმომადგენლები მათთან ერთად არიან და ამერიკის შეერთებული შტატების 237-ე დამოუკიდებლობის დღეს ზეიმობენ.
04.07.13
ნათია ქომოშვილი
