ვიცე-პრემიერმა, ენერგეტიკის მინისტრმა კახა კალაძემ სოფელ საგურამოში ჰიდროელექტროსადგურის მშენებლობა გახსნა, რომელიც 2016 წლის შემოდგომაზე დასრულდება.
მინისტრმა აღნიშნა, რომ პროექტის განხორციელებისთვის დაახლოებით 11 მილიონი აშშ დოლარი დაიხარჯება.
„დღეს ვიმყოფებით საგურამოში, სადაც ვიწყებთ ახალი ჰოდროელექტროსადგურის მშენებლობას. ეს იქნება 5 მეგავატიანი ახალი ჰიდროელექტროსადგური, რომელიც 2016 წლის ნოემბერში იქნება დასრულებული. ამ პროექტის განხორციელებისთვის დაიხარჯება დაახლოებით 11 მილიონი აშშ დოლარი და მისასალმებელია ის, რომ ადგილობრივი საფინანსო ორგანიზაციები არის ჩართული ამ პროექტის დაფინანსებაში, კერძოდ „თიბისი ბანკი“, მინდა ვისარგებლო შემთხვევით და მადლობა გადავუხადო მათ თანამშრომლობისთვის“, – განაცხადა კახა კალაძემ.
