მის კოლუმბია, რომელიც მის სამყაროს გვირგვინის მფლობელი მხოლოდ რამდენიმე წუთით იყო, სასამართლოში სარჩელის შეტანას აპირებს. როგორც ირკვევა, 21 წლის ადრიანა გუტიერეს არევალო მორალური ზიანის ანაზღაურებას ითხოვს.
20 დეკემბერს ლას-ვეგასში ,,მის სამყარო 2015″ გაიმართა, რომლის გამარჯვებულიც ფილიპინების წარმომადგენელი – პინა ალონსო ვურტცბახი გახდა. შოუს წამყვანის, სტივ ჰარვის შეცდომის გამო, გვირგვინი არიანდე გუტიერეს არევალოს გადასცეს. მას შემდეგ, რაც კოლუმბიელმა ლამაზმანმა თავზე გვირგვინი მოირგო, წამყვანმა განაცხადა, რომ ბარათზე გამარჯვებულის სახელი არასწორად ამოიკითხა. საბოლოოდ კი, გვირგვინი ერთი თავიდან მეორე თავზე გადაინაცვლა.
ეს ფაქტი უკვე შევიდა წლის სკანდალებს შორის. ბევრი ადამიანის მოსაზრებით, წამყვანმა შეცდომა გამიზნულად დაუშვა და ყველაფერი, რეიტინგის გაზრდის მიზნით, წინასწარ იყო გათვლილი.
ნატალია ჯალაღონია
