საქართველოს პრეზიდენტის, გიორგი მარგველაშვილის განცხადებით, საქართველოს სჭირდება ეფექტური და ძლიერი მთავრობა. ამის შესახებ მარგველაშვილმა პრეზიდენტის ადმინისტრაციაში გამართულ პრესკონფერენციაზე ჟურნალისტების შესაბამისი კითხვების საპასუხოდ განაცხადა.
“თქვენი კითხვები ძირითადში ან ყოფილ პრემიერ-მინისტრთან არის დაკავშირებული, ან მომავალ პრემიერ-მინისტრთან. მე მინდა დაგიდასტუროთ, რომ საქართველოს სჭირდება ეფექტური და ძლიერი მთავრობა. არსებულ პოლიტიკურ გუნდში მე კიდევ ერთხელ ვუსვამ ხაზს, რომ მხარი დავუჭირე როგორც პრემიერ-მინისტრის გადადგომას მყისიერად, ასევე როგორც კი კვირიკაშვილის კანდიდატურა წარმოადგინეს, მაშინვე დავუჭირე მხარი მყისიერად. მე იმედი მაქვს, რომ საქართველოს პარლამენტი საქართველოს პრემიერ-მინისტრის თანამდებობაზე დაამტკიცებს გიორგი კვირიკაშვილს. იმედი მაქვს, რომ ის ეფექტურად და წარმატებით გაართმევს ურთულეს ამოცანებს თავს. მე კვირიკაშვილთან ბევრჯერ ვარ შენახვედრი”, – განაცხადა გიორგი მარგველაშვილმა.