საქართველოს სახალხო დამცველი აქვეყნებს ანგარიშს საქართველოში ადამიანის უფლებათა და თავისუფლებათა დაცვის მდგომარეობის შესახებ 2015 წლის 10 დეკემბრის მონაცემებით, რომელიც ასევე მოიცავს რელიგიის თავისუფლების სფეროში არსებული სიტუაციის შეფასებას.
როგორც სახალხო დამცველი აღნიშნავს გართულებულია რელიგიის თავისუფლებით სრულყოფილად სარგებლობა. კერძოდ:
- რელიგიური ნაგებობეის მშენებლობის ნებართვის მიღება,
- სადავო რელიგიურ ნაგებობათა კუთვნილება,
- საჯარო სასკოლო განათლების სივრცეში რელიგიური დისკრიმინაციის და ზოგადი განათლების შესახებ კანონის მოთხოვნათა იმპლემენტაცია,
- რელგიურ ნიადაგზე მომხდარი შესაძლო დანაშაულებების ეფექტური გამოძიების საკითხი.
„თბილისი თაიმსი“ უცვლელად გთავაზობთ სახალხო დამცველის ანგარიშიდან იმ ნაწილს, რომელიც რელიგიური თავისუფლების კუთხით მომხდარი დარღვევეის მიმოხილვას ეხება.
რელიგიის თავისუფლება
2015 წელს უმცირესობების მიერ რელიგიის თავისუფლებით სრულყოფილად სარგებლობის კუთხით მდგომარეობა არ გაუმჯობესებულა.
რელიგიის თავისუფლების სფეროში კვლავ უმთავრეს პრობლემად რჩება რელიგიური სიძულვილის მოტივით ჩადენილ დანაშაულზე გამოძიების დასრულება, დამნაშავეებისათვის სისხლისსამართლებრივი პასუხისმგებლობის დაკისრება, გამოძიების მიმდინარეობისას სიძულვილის მოტივის გამოკვეთა და დანაშაულებრივი ფაქტების სათანადო კვალიფიკაცია.
ასევე, ზოგიერთ შემთხვევაში პრობლემურია რელიგიური სიძულვილის მოტივით ჩადენილ სამართალდარღვევებზე დროული რეაგირება. გარდა ამისა, დღემდე პასუხისმგებლობაში არ არიან მიცემული ის პირები, ვინც 2012-2014 წლებში საქართველოს სხვადასხვა რეგიონში მუსლიმთა უფლებების დარღვევაში მონაწილეობდნენ. საქართველოს სახალხო დამცველის აზრით, კანონდამრღვევებისათვის პასუხისმგებლობის დაუკისრებლობა ახალისებს მომდევნო უფლებადარღვევის შემთხვევებს.
მიმდინარე წელს საქართველოს სახალხო დამცველის აპარატისთვის ცნობილი გახდა იეჰოვას მოწმეთა მიმართ სიტყვიერი და ფიზიკური შეურაცხყოფის რამდენიმე ათეული ფაქტის შესახებ. ამასთან, ადგილი ჰქონდა იეჰოვას მოწმეთა სამეფო დარბაზისა და რელიგიური ლიტერატურის დაზიანებისა და განადგურების ფაქტებსაც.
საანგარიშო პერიოდში კვლავ პრობლემად რჩება სადავო რელიგიურ ნაგებობათა კუთვნილების საკითხი. მიუხედავად გარკვეული პერიოდის გასვლისა, ამ დრომდე უცნობია რელიგიის სააგნეტოს მიერ შექმნილი ე.წ. მოხეს კომისიის მიერ ამავე სოფელში არსებულლი სადავო შენობის კუთვნილების საკითხის შესწავლის შედეგები.
კვლავაც პრობლემაა სასკოლო სივრცეში რელიგიური დისკრიმინაციისა და ზოგადი განათლების შესახებ კანონის მოთხოვნათა იმპლემენტაცია. კერძოდ, რამდენიმე შემთხვევაში განმცხადებლები უთითებენ რელიგიური ორგანიზაციების საწინააღმდეგო აქციებზე სკოლის მოსწავლეთა ორგანიზებული მონაწილეობის ფაქტებისა და მათი შესწავლისას საქართველოს განათლებისა და მეცნიერების სამინისტროს არასაკმარისი რეაგირების შესახებ.
საანგარიშო პერიოდში საგადასახადო რეჟიმი არადომინანტ რელიგიურ ორგანიზაციებთან მიმართებაში კვლავაც უთანასწოროა.
ასევე მოცემული ანგარიშში ნათქვამია, რომ დისკრიმინაციის თაობაზე სახალხო დამცევლის წარმოებაში არსებული საქმეების 11 პროცენტში რელიგიისა და რწმენის ნიშნით დისკრიმინაცია სადაოდ არის გახდილი.
სოფიკო ნინიკაშვილი
