NEW YORK- Wal-mart- მა განაცხადა, რომ 2016 წელს 269 მაღაზიას დახურავს. მეგა-საცალო მაღაზია – Walmart-ი ამის საშუალებით ცდილობს თავისი ფინანსური მდგომარეობა გამოაცოცხლოს.
კომპანიამ განაცხადა, რომ იგი იმ მაღაზიების დახურვას გეგმავს, რომლებიც, ფაქტიურად, მცირე შემოსავლის მქონენი (უსახსრონი) არიან და, ამასთანავე, მათი უმეტესობა Walmart – ის სხვა მაღაზიებიდან 10 მილის რადიუსში მდებარეობს. ამ მაღაზიებიდან 154-ი მდებარეობს შეერთებულ შტატებში, რომელთა 2/3 შედარებით პატარა, “Walmart Express” მაღაზიებია. მხოლოდ 12 U.S. Walmart Supercenter დაიხურება ოთხ Sam’s Club – თან ერთად.
16 000 დაზარალებული თანამშრომლიდან, 10 000 შეერთებული შტატებიდანაა. კომპანიის მიზანია, ამ თანამშრომლების სხვა ახლომდებარე – Walmart-ის მაღაზიებში გადაყვანა.
მაგრამ, თუ ეს შეუძლებელი იქნება, კომპანია აცხადებს, რომ, ამ შემთხვევაში, თანამშრომლებს უზრუნველყოფს ექვსი თვის ანაზღაურებით.
საცალო სექტორი ძლიერ ცდილობდა, თუმცა, Walmart – ის აქციების ფასი გასულ წელს 30%-ით დაეცა.
„მაღაზიის დახურვა არ არის ადვილი გადასაწყვეტი, თუმცა, ეს საჭიროა კომპანიის სიძლიერის შესანარჩუნებლად და მომავალში პოზიციონირებისთვის“ – განაცხადა კომპანიის აღმასრულებელმა ხელმძღვანელმა იდაგ მაკმილონმა.
მიუხედავად ამისა, Walmart-ი აცხადებს, რომ იგი არ გადაუხვევს გეგმებიდან და ამ წლის ბოლოსთვის გახსნის 300 ახალ მაღაზიას მსოფლიოს მასშტაბით და 2017 წელს, 60 ახალ U.S. Supercenters და 10 Sam’s Club მაღაზიას.
„ჩვენ წინსვლის მომხრე ვართ, თუმცა, ვაპირებთ ამ საკითხში უფრო თანმიმდევრულნი ვიყოთ,“ – განაცხადა მაკმილონმა.
ლიკვიდაცია ეხება მსოფლიოს მასშტაბით კომპანიის მაღაზიების მხოლოდ 2%-ს (11600 მაღაზიას). ესენი, ძირითადად, პატარა მაღაზიებია, რომელთა გაყიდვები საცალო ვაჭრობის საერთო გაყიდვების 1% – ია.
იმ მაღაზიების დაახლოებით ნახევარი, რომელთა დახურვაც იგეგმება, საზღვარგარეთ – ბრაზილიაში, ხოლო დაარჩენი ლათინო ამერიკის ქვეყნებში მდებარეობს.
წყარო: Fox8.com
მარიამ ტაკაშვილი
