თურქეთში კიდევ ერთ აფეთქებას მსხვერპლი მოჰყვა. პროვინცია დიარბაქირში, სამხედრო კონვოის გზაზე თვითნაკეთი ასაფეთქებელი მოწყობილობა აფეთქდა. შედეგად დაიღუპა 7 სამხედრო.
პროვინციაში დაწყებულია ანტიტერორისტული ოპერაცია.
დღესვე ცნობილი გახდა, რომ გუშინ, ღამის საათებში თურქეთის სამხედრო-საჰაერო ძალებმა ერაყის ჩრდილოეთში ქურთების პოზიციები დაბომბეს.
თურქეთის პრემიერ-მინისტრის აჰმეთ დავუთოღლუს ცნობით, ავიადარტმის შედეგად დაიღუპა თურქეთში აკრძალული ,,ქურთისტანის მუშათა პარტიის” 70-მდე მებრძოლი.
ნატალია ჯალაღონია
