იმის გარდა, რომ 29 თებერვალი 4 წელიწადში ერთხელაა და მარტო ამიტომაც არის განსაკუთრებული დღე, მას ერთი მნიშვნელოვანი და საინტერესო ტრადიცია უკავშირდება – ამ დღეს ქალბატონებს შეუძლიათ მამაკაცებს ხელით თავად სთხოვონ.
ტრადიცია კი ირლანდიას უკავშირდება – აქაური ტრადიციის მიხედვით, ამ დღეს, წმინდა ოსვალდის დღესასწაულზე, ქალებს შეუძლიათ, მამაკაცებს ხელი სთხოვონ.
გადმოცემის თანახმად, წმინდა ბრიგიტა ირლანდიელი წმინდა პატრიკთან მივიდა და მის მონასტერში მყოფი ქალების მწარე ხვედრის შესახებ შესჩივლა. ქალები ცალმხრივი სიყვარულით იტანჯებოდნენ და თანაც, ურთიერთობისას, ინიციატივის გამოჩენა ეკრძალებოდათ. ქალისთვის ხელის თხოვნა მხოლოდ მამაკაცს შეეძლო, ქალი კი ვალდებული იყო, ხელის თხოვნას დალოდებოდა. წმინდა პატრიკმა უფლება მისცა ქალებს, თავად გამოეჩინათ ინიციატივა, თუმცა, მხოლოდ 4 წელიწადში ერთხელ – 29 თებერვალს.
1288 წელს შოტლანდიელმა ლორდებმა მიიღეს დადგენილება, რომლითაც 29 თებერვალს ქალის მიერ მამაკაცისათვის ხელის თხოვნა დაკანონდა. მოგვიანებით, ეს ტრადიცია ინგლისში, დანიაში და სხვა ევროპულ ქვეყნებშიც გადაიღეს, თუმცა არ დაუკანონებიათ.
ნატალია ჯალაღონია
