იაპონიის დედაქალაქ ტოკიოში კვების პროდუქტებისა და სასმელების 41-ე საერთაშორისო გამოფენა ,,FOODEX ჟAPAN 2016” მიმდინარეობს, სადაც ღვინის ეროვნული სააგენტოსა და იაპონიაში საქართველოს საელჩოს ხელშეწყობით, წარმოდგენილია ქართული ღვინის მწარმოებელი 8 კომპანია: „კახური“, „შუმი“, „კახური ღვინის მარანი“, „ქიმერიონი“, „თელავის ღვინის მარანი“, „მეღვინეობა ხარება“,“ვაზიანი კომპანი“ და „კახური ტრადიციული მეღვინეობა“.
გამოფენის გახსნას საქართველოს საგანგებო და სრულუფლებიანი ელჩი იაპონიაში ლევან ცინცაძე და ღვინის ეროვნული სააგენტოს თავმჯდომარე გიორგი სამანიშვილი დაესწრნენ.
„ქართული ღვინის ექსპორტს იაპონიაში დიდი პოტენციალი აქვს. ისევე როგორც მთლიანად აღმოსავლეთ-აზიის რეგიონი, იაპონია ქართული ღვინის მზარდ საექსპორტო ბაზარს წარმოადგენს. იაპონიაში FOODEX ჟAPAN სოფლის მეურნეობის პროდუქციის ყველაზე მნიშვნელოვანი გამოფენაა, მათ შორის, ღვინის სეგმენტში. ღვინის ეროვნული სააგენტოს მხარდაჭერით, ქართული ღვინის კომპანიები ასევე წარმოდგენილი იქნება იაპონიის კიდევ ერთ მასშტაბურ გამოფენაზე „ჭინე & Gოურმეტ შჰოწ“, რომელიც აპრილში, ტოკიოში გაიმართება“ – განაცხადა სააგენტოს თავმჯდომარემ.
როგორც გიორგი სამანიშვილმა აღნიშნა, გამოფენის სტუმრების მხრიდან ქართული ღვინოების მიმართ ინტერესი დიდია.
გამოფენის გახსნის დღეს ქართული ღვინის კომპანიებს გადაეცა საერთაშორისო კონკურსში „საკურა“ (თჰე 3რდ “შაკურა” ჟაპან ჭომენ’ს ჭინე Aწარდს 2016) მიღებული ჯილდოები. როგორც მიმდინარე წლის თებერვალში გახდა ცნობილი, 9 დასახელების ქართულმა ღვინომ ერთი ორმაგი ოქრო, 4 ოქროს და 4 ვერცხლის მედალი დაიმსახურა. გამარჯვებული ღვინოებია: ორმაგი ოქრო – „საფერავი რეზერვი. 2005“ კომპანია „კახური“; ოქრო – „საფერავი. 2008“, კომპანია „კახური“; ოქრო – „საფერავი. საოჯახო რეზერვი. 2013“, კომპანია „ლუკასი“; ოქრო – „მარანი. კონდოლის ვენახები. სამი. 2013“, კომპანია „თელავის ღვინის მარანი“; ოქრო – „მარანი. რეზერვი. 2007“ კომპანია „თელავის ღვინის მარანი“; ვერცხლი – „მუკუზანი იბერიული. 2013“, კომპანია „შუმი“; ვერცხლი – „ნაფარეული. 2013“, კომპანია „შუმი“; ვერცხლი – „სატრაპეზო საფერავი. 2012“, კომპანია „თელავის ღვინის მარანი“; ვერცხლი – „საფერავი ქვევრის. 2011“, კორპორაცია „ქინძმარაული“.
კონკურს „საკურას“ ხელმძღვანელმა, იაპონიის უმაღლესი კლასის სომელიემ, ქალბატონმა იუმი ტანაბემ აღნიშნა, რომ ქართულმა ღვინომ მას საქართველოს გაცნობის სურვილი გაუჩინა და რომ გეგმავს ეწვიოს საქართველოს.
გამოფენის ფარგლებში, სააგენტოს მარკეტინგისა და საზოგადოებასთან ურთიერთობის დეპარტამენტის თავმჯდომარემ ირაკლი ჩოლობარგიამ ქართული ღვინის პრეზენტაცია „საქართველო – 8 ათასი რთველი“ წარმოადგინა. პრეზენტაციას სომელიეები, ჟურნალისტები, მარკეტოლოგები, იმპორტიორი კომპანიების, ალკოჰოლური სასმალების მაღაზიებისა და სასტუმროების წარმომადგენლები დაესწრნენ.
„FOODEX ჟAPAN” 1976 წლიდან ტარდება და ის აზიაში ერთ-ერთ ყველაზე მასშტაბურ გამოფენად ითვლება. წელს გამოფენაზე წარმოდგენილია 80-მდე ქვეყანა და მას ატეულ ათასობით ღვინის იმპორტიორი, პროფესიონალი და მოყვარული ესწრება.
2015 წელს საქართველოდან იაპონიაში ექსპორტირებული იყო 138 290 ბოთლი ღვინო, რაც 5%-ით აღემატებოდა 2014 წლის ექსპორტს.
