საავტომობილო გზების დეპარტამენტი სარემონტო სამუშაოებს თბილისი-თიანეთის საავტომობილო გზის 12.68 კმ-იან მონაკვეთზე (კმ39-კმ51) ატარებს, რომელიც დედაქალაქიდან სოფელ ხევსურთსოფლის გავლით თიანეთს უკავშირდება.
საქართველოს რეგიონალური განვითარებისა და ინფრასტრუქტურის სამინისტროს ინფორმაციით, პროექტის ფარგლებში, გზის სავალი ნაწილის მიწის ვაკისის, ხელოვნური ნაგებობესის, ლითონის თვალამრიდების, საყრდენი კედლების, ავტობუსების გაჩერებებისა და ეზოებში შესასვლელების მოწყობა, ასევე ასფალტ-ბეტონის საფარის დაგების სამუშაოები მიმდინარეობს. გზაზე ახალი საორიენტაციო ბოძები და საგზაო ნიშნები მოეწყობა. ასევე, განხორციელდება გზის მონიშნვა.
ამჟამად ასფალტ-ბეტონის დაგება და გზის საფუძვლის რეციკლირების მეთოდით მომზადება მიმდინარეობს.
პროექტს, რომლის ღირებულებაც 4 170 000 ლარს შეადგენს, მსოფლიო ბანკის დაფინანსებით შპს “გზამშენი-4” ასრულებს.
სარეაბილიტაციო სამუშაოები 2012 წლის ნოემბერში დაიწყო და 2014 წლის მაისში დასრულდება.
19.07.13
