“საპარტნიორო ფონდის” აღმასრულებელი დირექტორის დავით საგანელიძის ოფიციალური ვიზიტი ჩინეთის სახალხო რესპუბლიკაში დაიწყო.
“საპარტნიორო ფონდის” ინფორმაციით, ვიზიტის ფარგლებში ფონდის დელეგაცია მონაწილეობას მიიღებს ჰონკონგის აბრეშუმის გზის კვლევითი ცენტრსა და პოლიტექნიკური უნივერსიტეტის მიერ ორგანიზებულ აბრეშუმის გზის სტრატეგიის ფორუმში, სადაც მთავარ მომხსენებლად მიწვეულია დავით საგანელიძე.
დაგეგმილია ასევე “საპარტნიორო ფონდის” დელეგაციის შეხვედრები სამთავრობო უწყებებსა და ჩინური საფინანსო ორგანიზაციების წარმომადგენლებთან.
როგორც ფონდში განმარტავენ, დავით საგანელიძე მონაწილეობას მიიღებს ბოაოს ფორუმში, რომელიც დავოსის შემდეგ, მასშტაბურობითა და მნიშვნელობით, მსოფლიოში მეორე ფორუმია. დავით საგანელიძე ფორუმის მონაწილე ორგანიზაციების პირველ პირებთან სამუშაო შეხვედრებს გამართავს.
“საპარტნიორო ფონდის” აღმასრულებელი დირექტორი ქალაქ იუში ქართული ღვინის სახლის გახსნას დაესწრება და შეხვედრებს გამართავს ადგილობრივი მთავრობის წარმომადგენლებთან.
