20 მარტი ბედნიერების საერთაშორისო დღეა. გაეროს გენერალური ასამბლეის ინიციატივით, ეს დღე 2012 წლიდან აღინიშნება და აღიარებულია, როგორც ,,ადამიანის ფუნდამენტური მიზანი.”
მეცნიერული განმარტებით- ბედნიერება – ესაა ფსიქიკური მდგომარეობა, რომელიც ხასიათდება დადებითი ემოციებით, რასაც იწვევს ინტენსიური სიხარულის განცდა. სხვადასხვა ბიოლოგიური, ფსიქოლოგიური, რელიგიური და ფილოსოფიური მიდგომა ცდილობს ზუსტად განსაზღვროს ბედნიერება და დაადგინოს მისი წყაროები. სხვადასხვა კვლევითი ჯგუფი, მათ შორის დადებითი ფსიქოლოგიის, ცდილობს სამეცნიერო მეთოდების გამოყენებით უპასუხოს კითხვებს – თუ რა არის ,,ბედნიერება”, და როგორ შეიძლება მივაღწიოთ მას.
2013 წელს კოლუმბიის უნივერსიტეტის დედამიწის ინსტიტუტის კვლევის ბედნიერების რანჟირების ინდექსის მიხედვით, საქართველო 156 ქვეყანას შორის 134-ე ადგილს იკავებდა. ყველაზე ბედნიეირი ქვეყანა კი – დანია აღმოჩნდა. სულ კვლევის ფარგლებში 6 მთავარი ინდიკატორი შეირჩა: GDP ერთ სულ მოსახლეზე, ჯანსაღი ცხოვრების ხანგრძლივობის მოლოდინი, არჩევანის თავისუფლების ხარისხის აღქმა, კორუფციისგან თავისუფლების მონაცემი და სხვა.
,,ადამიანები შესაძლოა უბედური იყვნენ მრავალი მიზეზით: სიღარიბით, უმუშევრობით ან ფიზიკური ტკივილებით, თუმცა კონკრეტულ საზოგადოებაში ქრონიკული ფსიქიკური პრობლემები რჩება ერთ–ერთ მთავარ ფაქტორად, რომელიც ბედნიერების ინდექსზე ახდენს გავლენას. ამიტომ თუ ჩვენ გვინდა უფრო ბედნიერი მსოფლიო, ახალი მიდგომა გვჭირდება ფსიქიკურ ჯანმრთელობასთან მიმართებაში”,–აცხადებდნენ ავტორები.
ცნობილი გამონათქვამები ბედნიერებაზე:
,,ბედნიერება არის მცირედი უპირატესობა მისი დაკარგვის წინ “– რიკლე;
,,ადამიანი ბედნიერებისთვის არ იბადება, ადამიანმა უნდა დაიმსახურის ბედნიერება” – თეოდორე დოსტოევსკი.
,,ბედნიერება, რაც არ გვაქვს, იმის მიღებით კი არ მოდის, არამედ იმისი შემჩნევითა და დაფასებით რაც გვაქვს” – ბუდა.
ნატალია ჯალაღონია
