საქართველოს სახალხო დამცველი აზერბაიჯანელ თანამოქალაქეებს ნოვრუზ ბაირამის – გაზაფხულის შემოსვლის, დღისა და ღამის გათანასწორების, დედამიწის გამოცოცხლების – დღესასწაულს ულოცავს და სიკეთესა და ჯანმრთელობას უსურვებს.
“2009 წლის 28 სექტემბრის იუნესკოს სამიტზე ნოვრუზი კაცობრიობის არამატერიალური კულტურული მემკვიდრეობის სიაში შეიტანეს.
2010 წელს გაეროს გენერალურმა ასამბლეამ ნოვრუზი საერთაშორისო დღედ აღიარა და იგი საქართველოშიც სახალხო დღესასწაულადაა გამოცხადებული.
ჩვენს ქვეყანაში ნოვრუზ ბაირამის აღნიშვნის ხანგრძლივ ტრადიციას „ვეფხისტყაოსანიც“ ადასტურებს,” – ნათქამია სახალხო დამცველის მიერ გავრცელებულ მილოცვის ტექსტში.
