26–27 მარტს 10:30 საათზე ა/ო „ეკონომიკური პოლიტიკის ექსპერტთა ცენტრი“ Friedrich Naumann–ის ფონდის დაფინანსებით, გამართავს შეხვედრას თავისუფალ დემოკრატებთან ქ. ზუგდიდში.
როგორც „თბილისი თაიმსს“ „ეკონომიკური პოლიტიკის ექსპერტთა ცენტრიდან“ აცნობეს, შეხვედრა შეეხება ისეთ საკითხს, როგორიცაა კერძო საკუთრების დამკვიდრების გზით ეკონომიკური თავისუფლების დამკვიდრება.
„საქართველოს უზარმაზარი ეკონომიკური პოტენციალი აქვს, თუმცა მისი აქტივები პრაქტიკულად გამუყენებელია საქართველოს ეკონომიკისთვის, რის გამოც ეკონომიკური ზრდის მაჩვენებელი და სოციალურ-ეკონომიკური მდგომარეობა უფრო ნაკლებია, ვიდრე საქართველოს პოტენციალის ზრდის საშუალება. ჩვენს შეხვედრაში გთავაზობთ თუ როგორ უნდა მოხდეს ამ აქტივების ჩართვა რეალურ ეკონომიკურ სექტორში, რის შედეგადაც გვექნება ეკონომიკური ზრდის მაღალი მაჩვენებელი და შევძლებთ მივაღწიოთ უკეთესი ცხოვრების პირობებს საქართველოში,“ – აცხადება ცენტრში.