საქართველოს პრემიერ-მინისტრი გიორგი კვირიკაშვილი პაკისტანში მომხდარ ტრაგედიას შემაძრწუნებლად აფასებს და დაღუპულთა ოჯახებს სამძიმარს უცხადებს.
“შემაძრწუნებელია პაკისტანში მომხდარი ტრაგედია. ტერორისტულ აქტს ქალაქ ლაჰორეში კვალავ უდანაშაულო ადამიანები შეეწირნენ. საუბედუროდ, დაღუპულთა შორის არიან ბავშვები.
ეს არის მსოფლიოს ტრაგედია, ეს თითოეული ჩვენგანის ტრაგედიაა. დიდი გულისტკივილით თანავუგრძნობ პაკისტანის მთავრობასა და ხალხს მომხდარის გამო და გამძლეობას ვუსურვებ მათ ამ მძიმე წუთებში”, – ნათქვამია პრემიერის განცხადებაში.
პაკისტანში განხორციელებული ტერორისტული აქტის შედეგად 70-მდე ადამიანი დაიღუპა, მათ შორის ბავშვები.
Discussion about this post