უნგრეთი საქართველოს ბიზნეს და საინვესტიციო ხელშეწყობისთვის 68 მილიონიან საკრედიტო ხაზს გამოყოფს, ამის შესახებ ცნობილი გახდა უნგრეთში საქართველოს საგარეო საქმეთა მინისტრის, მიხეილ ჯანელიძისა და უნგრეთისსაგარეო საქმეთა და ვაჭრობის მინისტრს პიტერ სიიარტოს შორის გამართული შეხვედრის დროს. უნგრული მხარისინიციატივით, „ექსიმ ბანკმა“ ქართული და უნგრული ერთობლივი პროექტების ხელშეწყობისთვის 68 მილიონიდოლარის ოდენობის საკრედიტო ხაზი გაიხსნა. აღნიშნული საკრედიტო ხაზით სარგებლობის შესაძლებლობა ორივექვეყნის იმ კომპანიებს მიეცემათ, რომლებიც ერთობლივ პროექტებს განახორციელებენ.
შეხვედრაზე მინისტრებმა განიხილეს საქართველოსა და უნგრეთს შორის ორმხრივი თანამშრომლობის მნიშვნელოვანისაკითხები.
საქართველოს საგარეო საქმეთა მინისტრმა, უნგრელ კოლეგას მადლობა გადაუხადა საქართველოს მიმართ მისიპერსონალური მხარდაჭერისათვის.
მიხეილ ჯანელიძემ ხაზი გაუსვა ორ ხალხს შორის ისტორიულად არსებულ მეგობრულ ურთიერთობებს, რასაც ამყარებსორი ქვეყნის მთავრობებს შორის არსებული მჭიდრო პარტნიორული ურთიერთობები.
უნგრეთის საგარეო საქმეთა მინისტრმა კიდევ ერთხელ დაადასტურა ქვეყნის ურყევი მხარდაჭერა საქართველოს ევროპული და ევრო-ატლანტიკური ინტეგრაციის მიმართ. როგორც პიტერ სიიატრომ აღნიშნა, ბუდაპეშტი მომხრეაევროპული და ევრო-ატლანტიკური გაფართოების და მომავალშიც ურყევად გააგრძელებს საქართველოს მხარდაჭერას.
მან ასევე აღნიშნა საქართველოს მნიშვნელოვანი პროგრესი ევროკავშირთან ვიზა ლიბერალიზაციის სამოქმედო გეგმისშესრულების ფარგლებში და დაადასტურა უნგრეთის მხარდაჭერა ევროკავშირისა და საქართველოს შორის უვიზომიმოსვლის შესახებ გადაწყვეტილების უახლოეს მომავალში მიღების თაობაზე.
მინისტრებმა შეხვედრაზე ასევე მიმოიხილეს ორმხრივი თანამშრომლობის წარმატებული ტენდენციები სხვადასხვამიმართულებით. განსაკუთრებით ხაზი გაესვა სავაჭრო-ეკონომიკური თანამშრომლობის მზარდ პოტენციალს.საქართველოს საგარეო უწყების ხელმძღვანელი მიესალმა უნგრეთის გადაწყვეტილებას, საქართველოში ბიზნესის დაინვესტიციების ხელშეწყობისთვის 68 მილიონი დოლარის ოდენობის საკრედიტო ხაზი გაიხსნას „ექსიმ ბანკში“.
მინისტრებმა დაადასტურეს მზადყოფნა უახლოეს მომავალში ხელი მოეწეროს უნგრეთსა და საქართველოს შორისინვესტიციების დაცვის შესახებ შეთანხმებას.
საქართველოს საგარეო უწყების ხელმძღვანელმა ინფორმაცია მიაწოდა კოლეგას საქართველოს პრემიერ-მინისტრის მიერინიცირებული 4 პუნქტიანი რეფორმების პაკეტის შესახებ, რაც მიზნად ისახავს ქვეყნის კიდევ უფრო განვითარებას დაბიზნესის ხელშეწყობას. მიხეილ ჯანელიძემ დაუდასტურა პიტერ სიიარტოს საქართველოს მთავრობის მზადყოფნა ხელიშეუწყოს უნგრეთთან შემდგომი სავაჭრო ურთიერთობის განვითარებას.
ორმხრივი თანამშრომლობის მნიშვნელოვან მიმართულებად დასახელდა განათლების სფერო. მინისტრმა მადლობაგადაუხადა კოლეგას უნგრეთის მთავრობის მიერ უნგრეთის უმაღლეს სასწავლებლებში ქართველი სტუდენტებისგანათლების დაფინანსების პროექტის გამო, რაც მომავალში ახალ შესაძლებლობებს შეიძენს.
შეხვედრაზე საუბარი შეეხო საქართველოს ოკუპირებულ ტერიტორიებზე არსებულ ვითარებას. საქართველოს საგარეო საქმეთა მინისტრმა მადლობა გადაუხადა კოლეგას უნგრეთის მხრიდან საქართველოს სუვერენიტეტისა დატერიტორიული მთლიანობის მხარდაჭერისათვის, ასევე საქართველოს ოკუპირებულ რეგიონებში ევროკავშირისსადამკვირვებლო მისიაში უნგრეთის აქტიური მონაწილეობისათვის.
საუბარი შეეხო ნატო-ს ვარშავის სამიტს და საქართველოს მიერ ალიანსში ინტეგრაციის გზაზე მიღწეულ პროგრესს.უნგრეთის საგარეო საქმეთა მინისტრმა დაადასტურა მზადყოფნა კვლავაც განაგრძოს საქართველოს მხარდაჭერა ნატო-სარსებითი პაკეტის იმპლემენტაციის პროცესში.
შეხვედრაზე ხაზი გაესვა საქართველოს მნიშვნელობას რეგიონალური ენერგეტიკული და სატრანსპორტო პროექტების განხორციელების თვალსაზრისით. უნგრეთის საგარეო საქმეთა მინისტრის განცხადებით, საქართველო ევროპისთვისსტრატეგიული პარტნიორია ენერგო წყაროების დივერსიფიკაციისა და ევროპა-აზიის დამაკავშირებელი სატრანზიტოხაზის მიმართულებით.
ამ კონტექსტში, საქართველოს საგარეო საქმეთა მინისტრმა აღნიშნა საქართველოს მთავრობის მიერ თბილისის აბრეშუმისფორუმის ინიცირება, რომელიც კარგ პლატფორმას იძლევა რეგიონალური სატრანზიტო, ეკონომიკური დაენერგეტიკული შესაძლებლობების განხილვისა და ერთობლივი სტრატეგიის დასახვის თვალსაზრისით.
ორმხრივ და გაფართოებულ ფორმატში შეხვედრის დასრულების შემდგომ გაიმართა მინისტრების ერთობლივი პრეს-კონფერენცია.
მიხეილ ჯანელიძე უნგრეთს ოფიციალური ვიზიტით 2016 წლის 29-30 მარტს სტუმრობს.
