დასასრულს უახლოვდევა ე.წ. “Wikileaks“-ის დავა, რომლის ეგიდით სამუდამო პატიმრობა შეიძლება მიუსაჯონ ბრადლეი მანნინგს, მას ბრალი ედება 20-მდე დანაშაულში, მათ შორის საიდუმლო დოკუმენტებისა და ინფორმაციების მტრებისათვის მიწოდებაში. ასე რომ, თუ ეს დანაშაული დაუმტკიცდება, მაშინ, იგი ვერ ასცდება სამუდამო პატიმრობას.
მისი განცხადებით, დაკავების შემდეგ მასზე აუტანელი ფსიქოლოგიური ზეწოლა ხორციელდებოდა, სასამართლო პროცესამდე იგი თვითნებურად დასაჯეს და წინასწარი პატიმრობის ვადა შეუსაბამოდ მძიმე პირობებში მოახდევინეს. მანინგის წინასწარი პატიმრობა 9 თვე გრძელდებოდა და ამ ხნის განმავლობაში განსაკუთრებული ზედამხედველობის ქვეშ იმყოფებოდა.
მბრალდებელი პროკურორების აზრით მანნინგმა კონფიდენციალური ინფორმაციები ინტერნეტ გვერდზე განათავსა და ეს ინფორმაციები ხელში ჩაუვარდა ალ ქაიდას ტერორისტებს, მარტო ამ ბრალდებით მას 20 წლით თავისუფლების აღვეთა ემუქრება.
ბრედლი მანინგის მხარდასაჭერად ამერიკის რამდენიმე შტატში აქციები გაიმართა. აქციის მონაწილეები მანინგის გათავისუფლებას მოითხოვენ. ”მანკიერი და გარყვნილი სისტემის გამომჟღავნება დანაშაული არ არის”, – აცხადებენ აქციის მონაწილეები.
ამჟამად პატიმრობაში მყოფი 25 წლის მანნინგი არმიის დაზვერვაში ანალიტიკოსად მუშაობდა და მან 700 ათასამდე დოკუმენტი გამოაქვეყნა “Wikileaks“-ში, რომელთა შორის მრავლად იყო საიდუმლო სამხედრო და დიპლომატიური ინფორმაციები.
22.07.13
