საქართველოს საგარეო საქმეთა მინისტრის მოადგილის თქმით, ოკუპირებულ სამხრეთ ოსეთში დაგეგმილ ე.წ. რეფერენდუმს არ ექნება არანაირი სამართლებრივი და იურიდიული ძალა.
“ეს არის პროვოკაციული მცდელობა, რომ გავლენა მოახდინონ საქართველოში მიმდინარე პოლიტიკურ პროცესებზე. ეს არის ასევე მცდელობა მცოცავი ანექსიის გაგრძელების და ჩვენი რეაქცია იქნება ის, რომ მოვუწოდებთ საერთაშორისო თანამეგობრობას, რომ აღიკვეთოს ქვეყნის ფაქტოპბრივი ანექსიის გაგრძელების მცდელობა”, – განაცხადა ზალკალიანმა.
დავით ზალკალიანმა აღნიშნა, რომ ოკუპირებულ სამხრეთ ოსეთში რეფერენდუმის შესაძლო ჩატარებასთან დაკავშირებით ჟენევის თანათავმჯდომარეები უკვე არიან ინფორმირებული და მათთან აქტიური კომინიკაციაა დაგეგმილი.
