ახლახანს სტარტი აიღო ახალმა პროექტმა – „ვენდობი“. პროექტის მიზანი გახლავთ მცირე ბიზნესისა და ტურიზმის განვითარების ხელშეწყობა. პროექტის არსი, შეგვიძლია მოკლედ შემდეგნაირად ჩამოვაყალიბოთ: პროექტი, იმ მცირე თუ საშუალო მეწარმეებს, რომელთაც არ შეუძლიათ საკუთარი მატერიალური სახსრებით რეკლამირება გაუწიოს თავის პროდუქტს როგორც ქვეყნის, ისე რეგიონულ დონეზე. პროექტში, საქართველოსთან ერთად, ჩართულია აზერბაიჯანი და ბელორუსი. აქედან გამომდინარე, საქართველოსთვის ეს პროექტი უფრო მეტად მომხიბვლელი ხდება, როგორც პროდუქციის რეალიზაციისთვის, ასევე ტურიზმის განვითარებისთვის.
„ვენდობის“ ორგანიზატორი გახლავთ სტუდია – K production Georgia, რომელიც ქართულ ბაზარზე უკვე რამდენიმე ათწლეულია არსებობს. რაც შეეხება მხარდამჭერებს, პროექტი ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის, ბრიტანულ-ქართული სავაჭრო პალატის BGCC-ის, თბილისის მერიის ეკონომიკური პოლიტიკის საქალაქო სამსახურის, ვიდეოპორტალი www.myvideo.ge-ს, ჟურნალი OK-ის და გაზეთ Georgia Today-ის თანამშრომლობით მომზადდა.
ჩვენ, პროექტის შესახებ დეტალური ინფორმაციის გასაგებად, მიზნებისა და ამოცანების განსასაზღვრად ვესაუბრეთ K production Georgia-ს დირექტორსა და სტუდიის მთავარ პროდიუსერს, ქეთი მიქანაძეს.
საიდან გაჩნდა პროექტის შექმნის იდეა, რას ისახავს მიზნად, მოკლედ აღგვიწერეთ მისი არსი და სტრუქტურა?
– მოგახსენებთ რომ მსოფლიო კრიზისს ებრძვის, რომლიც მოქმედებს როგორც მცირე ისევე მსხვილ ბიზნესზეც. პროექტის იდეა ეკუთვნის წარმოშობით ბრიტანელ ბიზნესმენს, მასთან ერთ-ერთი საქმიანი შეხვედრსას სპონტანურად დაიბადა იდეა, ხოლო შემდეგ ჩვენმა გუნდა ფრთა შეასხა და ნაბიჯ-ნაბიჯ დაიწყო მისი განხორციელება. პროექტი ვენდობი გაცილბით უფრო მასშტაბური გახდება აპრილის ბოლოს, სულ მალე კი მას შემოუერთდება აზერბაიანი დაბელარუსი, მოგვიანებით კი უკრაინაც. იგეგმება თანამშრომლობა თავად ბრიტანეთთანაც.
პროექტისთვის ბიუჯეტი არის განსაზღვრული, რას მოიცავს ის?
– პროექტისთვის ბიუჯეტი რა თქმა უნდა განსაზღვრულია, ეს თანხა არ არის საქართველოს ბიუჯეტის ოდენობის რა თქმა უნდა. პროექტში ჩართულია ქალაქ თბილისის მერია, კერძოდ ეკონომიკური განვითარების განყოფილება და ტურიზმის ეროვნული ადმინისტრაცია. პროექტის არსი სწორედ ისაა რომ ის არაკომერციულია, ყველა მხარის ინტერესია განვითარდეს საქართველოში ტურიზმი და ფეხზე წამოდგეს ეკონომიკა.
პროეტში მონწილეობისთვის კომპანიები რა კრიტერიუმებს უნდა აკმყოფლებდნენ? თუ არ არის განსაზღვრული?
– იქიდან გამომდინარე, რომ ეს პროექტი ეხმარება მცირე ბიზნესსაც, მონაწილეობისთვის აუცილებელია კომპანია დარეგისტრირებული იყოს, ყველა დოკუმენტაცია ჰქონდეს გამართული და ჰქონდეთ სურვილი ჩაერთოს და გახდნეს პროექტ „ვენდობი“-ს მონაწილე.
რა ასპექტებზე უნდა გააკეთონ პროექტში მონაწილეობის მსურველებმა აქცენტები, შეგიძლიათ რამდენიმე მათგანი დაგვისახელოთ?
– ისინი ვინც უკვე გადაწყვეტენ პროექტში მონაწილეობას, მათთან დაიდება კონტრაქტი და იწყება აქტიური მუშაობა. პირველი ეტაპია ვიდეორგოლის სცენარის შეთანხმდება, ჩვენის მხრივ ვეცდებით რგოლში აქცენტი გაკეთდეს კომპანიის სანდოობაზე, თუმცა თუ კომპანიას კიდევ დამატებით სურვილი აქვს თავისი მესიჯებიც ჩადოს რგოლში ჩვენ წინააღდეგები არ ვართ. ყველაფერი წყდება ერთობლივი მუშაობის შედეგად.
პროექტი ერთჯერადი ხასიათისაა თუ წარმატების შემთხვევაში ისევ განმეორდება?
– ჩვენ დარწმუნებულები ვართ, რომ პროექტი წარმატებული იქნება და უკვე ვფიქრობთ საახალწლო აქციებზეც.
რა შედეგის მიღებას ელოდებით ამ პროქეტისგან?
– გააჩნია შედეგს რას დავარქმევთ, ის ფაქტი რომ პროექტში მონაწილე ყველა კომპანია ან მისი ხემძღვანელი აღარ იტყვის ფრაზას: ჩვენ რეკლამა არ გვჭირდება! ეს უკვე შედეგია… ჩვენთვის, როგორც K production Georgia- თვის შედეგი იქნება პროექტის მასშტაბურობა და საბოლოო ჯამში მონაწილე ყველა კომპანიის წარმატებაში სულ მცირე წვლილის შეტანაც კი…
როგორც თემაზე მუშაობის დროს გავარკვიე, პროექტის პირველი ეტაპი, მონაწილე კომპანიების დარეგისტრირება-შერჩევა უკვე დასრულებულია. რაც შეეხება განვითარებას, მეორე ეტაპი გულისხმობს თითოეული კომპანიისთვის ვიდეო რგოლის დამზადებას და ვიდეოპორტალ www.myvideo.ge-ზე სპეციალურ პროექტის სახელწოდებით ბრენდირებულ არხზე განთვსებას. პარალელურად, შეიქმნება გვერდი facebook.com-ზე და იმუშავებს სპეციალური ჯგუფი ამ პროექტის პოპულარიზაციისთვის.
რაც შეეხება მესამე ეტაპს, იგი მთლიანად მომხმარებელზეა დამოკიდებული. კომპანიები იქნებიან თანაბარკონკურენციაში და ხმის მიცემა მოხდება ვიდეოს მოწონებით. ოქტომბრის ბოლოს, ხმათა უმრავლესობის მიმღები – ხალხის რჩჶული კომპანია (10კომპანია) გამოვლინდება და დაჯილდოვდება თბილისობის ღონისძიებაზე, რომელსაც ორგანიზებას თბილისის მერია გაუწევს.
რჩეულებს დააჯილდოებს ბრიტანულ – ქართული სავაჭრო პალატა, რომელიც, ასევე, კომპანიების შესახე ინფორმაციას განათავსებს მისივე ბრიტანულ საიტზე www.bgcc.org.uk-ზე. ამას გარდა, იგი პირველ ხუთეულში გასულ კომპანიებს გადასცემს პალატის ერთწლიანი წევრობის უფლებას, რაც საკმაოდ დიდი შანსი და გამოწვევა იქნება თითოეული მათგანისთვის.
მარიამ ტაკაშვილი