„დღეს შექმნილი აჟიოტაჟი არის დამაზიანებელი ბოტანიკური ბაღისთვის. ეს იყო ბაღის აწიოკება. თანამშრომლები თავს შეურაცხყოფილად გრძნობენ,“ – ამბობს თბილისის ბოტანიკური ბაღის დირექტორი თამაზ დარჩიძე „ტვ-პირველის“ეთერში გადაცემა „ინგა გრიგოლიას დღის ამბებში“ საუბრისას.
„ეს საკითხი იყო პოლიტიკურად მოტივირებული, რასაც არ იმსახურებს სამეცნიერო ხასიათის ორგანიზაცია. ბოტანიკური ბაღი ემიჯნება ყოველგვარ პოლიტიკურ კონტექსტს.
ბოტანიკური ბაღის მოსაზღვრე ტერიტორიები 2007 წლიდან არის კომპანია „ფინსერვისის“ საკუთრებაში. რაიმე ახალი ტერიტორია ამ კომპანიისთვის არ გადაგვიცია. მოხდა მხოლოდ გაცვლა. მნიშვნელოვანი იყო ამ ტერიტორიის შემოერთება მისი პოტენციალის გამო. ეს გაცვლა არის პერსპექტიული ბაღის კოლექციის განვითარებისთვის. იმ ტერიტორიაზე, რომელიც გაიცვალა არ არის საკოლექციო ნაკრები, არც მეცნიერული კვლევისათვის მნიშვნელოვანი რამ, იგი იყო აუთვისებელი. ბაღის ტერიტორიები გაიცვალა მხოლოდ ჩვენს სასარგებლოდ, ბოტანიკური ბაღის განვითარებისთვის,“ – ამბობს თამაზ დარჩიძე.
მანანა ღოღობერიძე
