არასამთავრობო ორგანიზაცია „ახალგაზრდული კონგრესის” ორგანიზებით, ფილარმონიის დიდ საკონცერტო დარბაზში გაიმართება ჯაბა ბოჯგუას დასახმარებელი საქველმოქმედო კონცერტი. მომღერალი 8 წლის განმავლობაში, ლოგინს არის მიჯაჭვული. უკიდურესი გაჭირვების გამო, მას და მის ოჯახს გაუსაძლის პირობებში უწევთ ცხოვრება.
როგორც ორგანიზაციაში განმარტეს, კონცერტის მიზანია, შემოსული თანხით ჯაბა ბოჯგუას ოჯახისთვის დახმარების გაწევა. საქველმოქმედო კონცერტი ფილარმონიაში 12 მაისს, 20:00 საათზე გაიმართება.
ბილეთები გაიყიდება ფილარმონიის სალაროში და ვებგვერდზე https://tkt.ge/. ბილეთის ფასია 10, 15 და 20 ლარი. პროექტის მხარდამჭერია თბილისის მერია.
კონცერტში მონაწილეობას მიიღებენ შემსრულებლები ლელა წურწუმია, მერაბ სეფაშვილი, სახე, დათო ხუჯაძე, ნინო ჩხეიძე, ქუჩის ბიჭები, ტეატრალურის კვარტეტი, ალილო (ლაშა ღლონტი), ანრი ჯოხაძე, გიო ხუციშვილი, ოთიკო ანდრიაძე, ნოდიკო ტატიშვილი, გოგა მესხი, დათუნა მგელაძე, სეიშენი, ნინი ბადურაშვილი, დათო არჩვაძე, ანი სირაძე, ოთო ბერიშვილი, ანი ღონღაძე, შოთი და რეზი ქარცივაძე, ფრანი და ნიკოლშოუ.
