საქართველოს კულტურისა და ძეგლთა დაცვის სამინისტროსა და საქართველოს მხატვართა კავშირის მხარდაჭერით, პროექტი „მხატვრის თვალით დანახული საქართველო” იწყება. პროექტის ფარგლებში, 3 მაღალმთიან რეგიონში ქართველი მხატვრების გამოფენები და პლენერები გაიმართება. ღონისძიებები ჩატარდება 6-9 მაისს – ახმეტა-პანკისში, 17 -20 ივნისს – ახალციხე – ასპინძაში, 1-4 ივლისს ქობულეთსა და ხულოში.
პროექტში, ეტაპობრივად, ადგილობრივი მხატვრებიც ჩაერთვებიან; ნამუშევრების ერთობლივი გამოფენა რეგიონების ყველაზე ხალხმრავალ ადგილებში, ღია ცის ქვეშ მოეწყობა; მოსწავლე-ახალგაზრდობისთვის ჩატარდება მასტერკლასები; მხატვრები დაინტერესებულ პირებთან ერთად, პეიზაჟებს დახატავენ; გაიმართება ფოტოგადაღებები; პროექტს დაასრულებს სიმპოზიუმი, რომელიც სექტემბერში თბილისში ჩატარდება.