Warning: Undefined array key 1 in /home/jzurebpo/web/ttimes.ge/public_html/wp-content/themes/Designlub/class/ContentTag.php on line 87
Warning: Undefined array key 1 in /home/jzurebpo/web/ttimes.ge/public_html/wp-content/themes/Designlub/class/ContentTag.php on line 87
„პროპორციული საარჩევნო სისტემა ფაქტობრივად გამორიცხავს მეორე ტურს და შანსს უკარგავს ყველას, ვინც ვერ გადალახავს ბარიერს. ამ მხრივ მაჟორიტარული სისტემა მეტად წარმომადგენლობითია,“ – საპარლამენტო უმრავლესობის ერთ-ერთმა ლიდერმა ზაქარია ქუცნაშვილმა არსებული მაჟორიტარული სისტემის უპირატესობებზე ტელეკომპანია „GDS”-ის ეთერში გადაცემა „59 წამში“ ისაუბრა.
„დღეს ამომრჩეველმა იცის ვის მისცეს ან ვის არ მისცეს ხმა. პარტიას,ლოგოს,ემბლემას მიცემული ხმა ხშირად არ არის სწორი.
მე არ ვარ იმ ჯგუფის წევრი, რომელიც მიიჩნევს, რომ მაჟორიტარული სისტემა უნდა გაუქმდეს. ამისთვის 3 არგუმენტი არსებობს. პოლიტიკური საქმიანობის მონოპოლიზაცია, ამომრჩეველთა კავშირის შემცირება. ოკუპირებულ ტერიტორიაზე პოლიტიკური ინტეგრაციის შეფერხება.
საარჩევნო სისტემის შესახებ სარჩელის ავტორი იყო სახალხო დამცველი. ჩვენ ვიყავით რთული არჩევანის წინაშე. არც მეტი არც ნაკლები, დავემორჩილეთ საკონსტიტუციო სასამართლოს გადაწყვეტილებას.
კენჭისყრა ჩატარდება და ვნახოთ ვინ რას დაუჭერს მხარს. ჩვენი ქვეყნისთვის ყველაზე კარგია შერეული საარჩევნო სისტემა. ოპონენტებს სურთ, რომ მოსახლეობამ მხოლოდ პარტიები აირჩიოს. ამით იზღუდება ინდივიდის თავისუფლება. მცირდება კავშირი ამომრჩეველსა და არჩეულს შორის.“
ზაქარია ქუცნაშვილმა საარჩევნო სისტემაში უკვე გატარებული რეფორმებიც განიხილა.
„საარჩევნო სისტემის გაუმჯობესების კუთხით სერიოზული ნაბიჯები გადავდგით. საპრეზიდენტო არჩევნებში მონაწილეობის უფლება მივეცით ნებისმიერ პირს. შევცვალეთ ადგილობრივი არჩევნების სისტემა. შემოვიღეთ გამგებლების და მერების პირდაპირი წესით არჩევა. საპარლამენტო არჩევნებში კი მოსახლეობას თანაბარ საარჩევნო ოლქებში მოუწევს ხმის მიცემა.“
მანანა ღოღობერიძე
