საპატრიარქოში დღეს წმინდა სინოდის სხდომა გაიმართა, რომელსაც სრულიად საქართველოს კათოლიკოს-პატრიარქი ხელმძღვანელობდა. წინასწარი ინფორმაციით, სინოდის წევრებმა ივნისში კუნძულ კრეტაზე გასამართი დიდი და წმინდა კრებასთან დაკავშირებული საკითხები განიხილეს.
სხდომის დაწყების წინ ჟურნალისტებთან კომენტარი დეკანოზმა კახაბერ გოგოტიშვილმა გააკეთა და აღნიშნა, რომ მსგავის პროცესეები ყველა მართლმადიდებლურ ეკლესიაში მიმდინარეობს. გასამართლი მსოფლიო მართლმადიდებლური კრების წინ ადგილობრივი სინოდის წევრები იკრიბებიან და თავიანთ ადგილობრივ კრებას ატარებენ, რათა შენიშვნები გამოთქვან ან დაადასტურონ.
დეკანოზი კახაბერ გოგოტიშვილი – „მართლმადიდებლური სამყარო ემზადება წმინდა და დიდი კრების ჩასატარებლად, რომელიც ჩატარდება ივნისის თვეში. წმინდა სინოდის კრება შეიკრიბა იმისთვის, რომ კრებაზე მისაღები დოკუმენტები განიხილოს, თავისი შენიშვნები გამოთქვას ან დაადასტუროს, რომ ეს საბუთები მისაღებია და ხელი მოეწერება.“
წმინდა სინოდის განჩინების ოქმი დღეს მოგვიანებით გამოქვეყნდება.
შეგახსენებთ, რომ მართლმადიდებელი ეკლესიების წმინდა და დიდი კრება კუნძულ კრეტაზე 16-27 ივნისს უნდა გაიმართოს. მართლმადიდებლური ეკლესიის მეთაურები იმსჯელებენ ისეთ საკითხებზე როგორიც არის: მართლმადიდებლური ეკლესიების ურთიერთობა სხვა არამართლმადიდებელ ეკლესიებთან, ქორწინების დამაბრკოლებელ მიზეზები და სხვა. გადაწყვეტილებები კრებაზე კონსესუსის პრინციპით მიიღება.
სოფიკო ნინიკაშვილი