ოჯახურ დანაშაულში ბრალდებული მაგდა პაპიძის საქმის პროკურორის, ელენე ჩხეიძის განცხადებით, ბრალდების მხარემ მოიპოვა უტყუარი მტკიცებულებები, რათა საჯაროდ განაცხადოს, რომ ბრალდებულმა ქმარსა და შვილს საკუთარი ხელით მოუსწრაფა სიცოცხლე.პროკურატურამ ნაფიცი მსაჯულებისა და დამსწრე საზოგადოების წინაშე გარდაცვლილების – ომარ ქაფიაშვილისა და მაგდა პაპიძის მცირეწლოვანი შვილის ფოტოები წარადგინა, რაზეც თავად ბრალდებულმა ემოციები ვერ შეიკავა და ატირდა.
ამასთან, შესავალი სიტყვის დროს პროკურორმა მაგდა პაპიძისა და ომარ ქაფიაშვილის ურთიერთობაზე ისაუბრა და გაიხსენა ოთარ ბერძენიშვილი, რომელიც, პროკურორის თქმით, ბრალდებულს შეუყვარდა და ამის შემდეგ გადაწყვიტა, საკუთარი ცხოვრება შეეცვალა.
მაგდა პაპიძეს, რომ შეენარჩუნებინა ბერძენიშვილი, ცდილობდა მისგან დაორსულებას. პაპიძემ წარსული ცხოვრებიდან გასათავისუფლებლად ყველაზე სასტიკი გზა აირჩია“, – განაცხადა პროკურორმა.
ელენე ჩხეიძის თქმით, მის ხასიათს სრულად შეესაბამებოდა ამგვარი ქმედებები, რადგან არსებობს ექსპერტიზის დასკვნები, სადაც მითითებულია, რომ მაგდა პაპიძე “თეატრალიზმით და არტისტიზმით არის დაჯილდოებული“.
პროკურორმა ასევე წარადგინა მაგდა პაპიძის დღიური, სადაც იმ ნივთების ჩამონათვალია გაკეთებული, რომელიც მას უნდა შეეძინა. როგორც პროკურორმა შესავალ სიტყვაში აღნიშნა, აღნიშნული ჩანაწერებით მტკიცდება, რომ მაგდა პაპიაძეს მეუღლისა და შვილის მკვლელობა წინასწარ ჰქონდა დაგეგმილი.
