მასწავლებელთა პროფესიული განვითარების ცენტრმა, მხედველობის დარღვევის მქონე პირთა განათლების ხელშეწყობის მიზნით, მემორანდუმი გააფორმა
მასწავლებელთა პროფესიული განვითარების ეროვნულმა ცენტრმა არასამთავრობო ორგანიზაცია „მარიანთან“ ურთიერთთანამშრომლობის მემორანდუმი გააფორმა.
მემორანდუმის თანახმად, მხარეები იღებენ ვალდებულებას, ხელი შეუწყონ მხედველობის დარღვევის მქონე პირთა ხარისხიან განათლებას, ბრაილის სისტემის, დამხმარე საშუალებების გამოყენებისა და ორიენტაცია-მობილობის სწავლებას, ასევე დასაქმებას და საზოგადოებრივ ცხოვრებაში ინტეგრაციას.
შეთანხმების მიხედვით, ცენტრი უზრუნველყოფს ბენეფიციართათვის ტრენინგების ორგანიზებას, ხოლო არასამთავრობო ორგანიზაცია „მარიანი“ აღნიშნულ პროცესში ცენტრს რეკომენდაციებითა და სატრენინგო მასალებით დაეხმარება.
