„ეს პროცესი ეკონომიკური დანაკარგი არის ორივე მხარისთვის. ევროკავშირისთვის უფრო ნაკლები. გასვლის მომხრეებმა უკვე შეარბილეს რიტორიკა და ამბობენ,რომ 2020 წლამდე არ უნდა ვიჩქაროთ გამოსვლა და შემდეგ გადავწყვიტოთ. მათ მიიღეს მკაცრი პასუხი,რომ რაც შეიძლება სწრაფად მოხდეს საბოლოო გამოსვლა“. ამის შესახებ პოლიტიკის ექსპერტმა კორნელი კაკაჩიამ ტელეკომპანია „იმედზე“, გადაცემა „ქრონიკის სტუდიის“ ეთერში ისაუბრა.
„ბრიტანეთი ყოველთვის იყო „ტროას ცხენი“ ევროკავშირის შემადგენლობაში. ის არასდროს არ იყო ბოლომდე ინტეგრირებული. ერთ-ერთი ფაქტორი იყო ინტეგრაციის შიში, რომ ევროკავშირის საფუძველზე არ შექმნილიყო ახალი სუპერ-სახელმწიფო,რომელიც შებღალავდა მის სუვერენიტეტს. აქ ძირითადი როლი ითამაშეს პოპულისტებმა. პოპულიზმი სერიოზული პრობლემაა ევროპაში და მათ შორის ბრიტანეთში. ამ გადაწყვეტილებაში თავისი წვლილი შეიტანა ყველამ, მათ შორის „ლეიბორისტულმა პარტიამ“.
ასეთი გამოწვევა ევროკავშირს არ ჰქონია, მნიშვნელოვანია როგორ გაართმევს თავს ბრიუსელი კრიზის-მენეჯმენტს. ყველაზე მთავარი არის ამ ქვეყნებს შორის ერთიანი ხედვების ჩამოყალიბება. ამ ეტაზე ევროკავშირი ცდილობს ისეთ ქვეყნებში, სადაც არის ძლიერი ევროსკეპტიციზმი, საზოგადოების აზრი არ განეწყოს გამოსვლისკენ. ეს ასევე არის ელიტების და ბიუროკრატიის კრიზისი. იგივე განწყობა არის სხვა ქვეყნებშიც და ევროკავშირს მოუწევს რეფორმების გატარება, რადგან მომავალში გაანეიტრალოს ევროკავშირთან დაკავშირებული სტერეოტიპები.
ბრიტანეთს ჰქონდა თავისი დამაბალანსებელი ფუნცქცია ევროკავშირში. ახლა გერმანიას საფრანგეთთან ერთად ეძლევა შანსი გაატაროს ის რეფორმები, რომელსაც ეწინააღმდეგებოდა ბრიტანეთი. ჩვენ დავკარგეთ ძლიერი მხარდამჭერი ბრიტანეთის სახით,“ – განაცხადა კორნელი კაკაჩიამ.
მანანა ღოღობერიძე
