„მინდა გთხოვოთ მეტი ყურადღებით მოებყრათ ბავშვის განცდებს და ემოციებს, მათ სურვილებს, მიღწევებს და დამარცხებებს,“ – ამის შესახებ, ფსიქოლოგი ნინიო კერესელიძე საკუთარ ფეიზბუკ გვერძე წერს.
“ყველამ იცით ეს კვირა გეშტალტი, რომ მქვს. ხოდა აი რას დავაკვირდი ჩემს თავში პირველ რიგში და კიდევ ჩემს გარშემო უამრავ ადამიანში:
ჩვენი ბევრი პრობლემის თავი არის ოჯახში, დედაში და მამაში, იმ ინტროენტებში რაც გვაყლაპეს!
ურთულეს დავალებად მეჩვენება მთელი ცხოვრება ამ გაუცნობიერებელ ემოციებთან ერთად ცხოვრება. ხშირად ისეთ ბარიერებს ვაგებთ ჩვენთითონ, რომლის გადალახვაც გვიჭირს. ვცდილობთ ემოციური მდგომარეობა, ტკივილი თუ სხვა არასასიამოვნო განცდები განვდევნოთ და არ შევიმჩნიოთ. ხან როგორი დაცვის მექანიზმი გვაქვს ხან როგორი.
ამით რისი თქმა მინდოდა, დედებო, მამებო, ბებოებო, ბაბუებო. აი გულშემატკივარო ხალხნო, მინდა გთხოვოთ მეტი ყურადღებით მოებყრათ ბავშვის განცდებს და ემოციებს, მათ სურვილებს, მიღწევებს და დამარცხებებს. თქვენ ჯერ კიდევ არ იცით ვინ დგას თქვენ წინ, ვინ იზრდება თქვენს ხელში!
თითოეული თქვენი საქციელი, სიტყვა თუ გამოხედვა, მომავალში ასახვას პოულობს ბავშვში. თქვენმა ერთმა საქციელმა შესაძლოა თქვენს ყველაზე ძვირფასს ცხოვრება დაუნგრიოს, დააკარგინოს საკუთარი თავი…,” – წერს სოციალურ ქსელში ფსიქოლოგი.
