სურსათის ეროვნულ სააგენტოს ჩეხეთის სოფლის მეურნეობის სამინისტროს ტესტირებისა და გამოცდის სამეცნიერო კვლევითი ინსტიტუტის წარმომადგენლები სტუმრობენ.
საქართველოში ჩეხეთის საელჩოს ინიციატივით მოწვეული სპეციალისტების ვიზიტის მიზანი ჩვენს ქვეყანაში ფიტოსანიტარული ვითარების გაცნობა და შესაბამისი რეკომენდაციების მიცემაა.
ჩეხეთის სოფლის მეურნეობის სამინისტროს ტესტირებისა და გამოცდის სამეცნიერო კვლევითი ინსტიტუტი ჩეხეთის მცენარეთა დაცვის სამსახურს წარმოადგენს. იგი სახელმწიფო ფიტოსანიტარული კონტროლის განმახორციელებილი ორგანოა. იმის გარდა, რომ უცხოელი კოლეგები ქართველ ფიტოსანიტარებს თავიანთ ქვეყანაში მოქმედ საკანონმდებლო ბაზას გააცნობენ, დაინტერესდებიან საქართველოში მოქმედი რეგულაციებითაც.
სამდღიანი სამუშაო შეხვედრის შემდეგ, შემუშავდება პროექტი, რომელშიც ის რეკომენდაცია მოიყრის თავს, რასაც ქართველი მცენარეთა დამცველები გაითვალისწინებენ:
„ჩეხი სპეციალისტები გაეცნობიან ჩვენს კანონმდებლობას, ფიტოსანიტარული კონტროლის ძლიერ და სუსტ მხარეებს საქართველოში და ერთობლივად შევიმუშავებთ რეკომენდაციებს, რომელიც ევროკავშირის ბაზრის მოთხოვნების დაკმაყოფილებაში დაგვეხმარება“ – განმარტავს სურსათის ეროვნული სააგენტოს უფროსის მოადგილე, ფიტოსანიტარი ზურაბ ლიპარტია.
ვიზიტის ფარგლებში ჩეხ სტუმრებს სურსათის ეროვნული სააგენტოს სპეციალური შემასხურებელი სამანქანო დანადგარები დაათვლიერებინეს, რომლებიც მცენარეთა დაცვის ღონისძიებების ჩასატარებლად გამოიყენება.
