გარემოსა და ბუნებრივი რესურსების დაცვის მინისტრი გიგლა აგულაშვილი ნარჩენების დახარისხების პირველი კუთხის პრეზენტაციას ჰიპერმარკეტ „გუდვილში“ USAID საქართველოს მისიის დირექტორთან თომას მორისთან ერთად დაესწრო.
როგორც ”თბილისი თაიმსს” გარემოსა და ბუნებრივი რესურსების დაცვის სამინისტროდან აცნობეს, პროგრამის, ნარჩენების მართვის ტექნოლოგიები რეგიონებში (WMRT) ფარგლებში, თბილისის მოსახლებისთვის „გუდვილის“ ცენტრალურ შესასვლელში განთავსდა ქაღალდის, ალუმინის ქილების, პლასტმასის ბოთლებისა და პოლიეთილენის პარკის დახარისხებული კუთხე. შეგროვებული ნარჩენი დასაწყობდება ჰიპერმარკეტში, რის შემდეგაც შპს „სუფთა სამყარო“ უზრუნველყოფს მის გადამუშავებას.
მათივე განმარტებით, პროგრამის მნიშვნელოვანი მიმართულებაა ნარჩენების გადამუშავების კუთხით კერძო სექტორის გაძლიერება, რათა გაიზარდოს ცნობიერება და საზოგადოებამ ნარჩენების დახარისხება დაიწყოს.
პროექტს international Citi/Contry Management Associacion (ICMA) კავკასიის გარემოსდაცვითი არასამთავრობო ორგანიზაციების ქსელი CENN -თან თანამშრომლობით ახორციელებს.
პროგრამა საქართველოს ორ რეგიონში, კახეთსა და აჭარაში მიმდინარეობს, რომლის ფინანსური მხარდამჭერი აშშ -ის საერთაშორისო განვითარების სააგენტოა (USAID).
ღონისძიებას USAID- ის, აშშ -ს საელჩოს, CENN -ისა და WMRT -ის წარმომადგენლები ესწრებოდნენ.
