ყოველთვის რთულია განსაზღვრო,თუ როდის დაიწყება ზუსტად რევოლუცია. ჩვენ შეგვიძლია მხოლოდ ვარაუდი და საუბარი ნიშნებზე. ერთ დილას აღმოვაჩენთ, რომ ის დაწყებულია, ან დამთავრდა და მეცნიერთა რომელიღაც ჯგუფი კი უკვე კვლევის ანგარიშებს ამზადებს .ეს შეხედულება, განსაკუთრებით, ტექნოლოგიურ ან საგანმანათლებლო რევოლუციებს ეხება.
მე-20 საუკუნე ინოვაციური ტექნოლოგიების ერაა,21-ე საუკუნე კი,რომელიც მეოთხე ინდუსტრიული რევოლუციის მოლოდინშია უფრო მეტ ტრანსფორმაციებსა და სიახლეებს გვპირდება. კაცობრიობამ თითქმის მიაღწია ხელოვნური ინტელექტს, გენურ ინჟინერიას, „ვირტუალურ რეალობას“, რობოტებსა და სხვა ინოვაციებს,რომლებიც ადამიანებისა და ტექნოლოგიების ურთიერთობას კიდევ უფრო გაამყარებენ. ყველა სახელმწიფო, კერძო ბიზნესი და ინდივიდი იგრძნობს ამ კავშირსა და მათ ზეგავლენას.
ჩვენი სტატია შეეხება არა ტექნოლოგიური მიღწევებს, არამედ მეოთხე ინდუსტრიულ რევოლუციასა და განათლების მიღების პროცესს შორის კავშირებს.
მეცნიერები ფიქრობენ, რომ რევოლუცია გაზრდის უთანასწორობას ადამიანებს შორის. მიუხედავად იმისა, რომ აშშ მსოფლიოს ერთ-ერთი ყველაზე მდიდარი ქვეყანაა, 1,5 მილიონი ბავშვი მაინც სიღარიბეში ცხოვრობს და შესაბამისად, განათლებასაც ვერ იღებს. რაღა თქმა უნდა, სავალალო შედეგებს ვხვდებით განვითარებად ქვეყნებშიც.
ტექნოლოგიების განვითარება ხელმისაწვდომია ხშირ შემთხვევაში საზოგადოების შეძლებული ფენებისთვის და მათი სიკეთეებით სარგებლობა არ შეუძლიათ ღარიბ ადამიანებს. ეს ფაქტი იწვევს პოლარიზებას ღარიბ და მდიდარ ადამიანებს შორის, განათლების ხელმისაწვდომობის საკითხსა და ადამიანთა უფლებებს შორის.
სახელმწიფოები დღეს უკვე აღარ დაობენ იმ ფაქტზე,რომ საჭიროა სოციალური პროგრამების დიდი ნაწილის განათლების სისტემაში ჩართვაზე. ეს გულისხმობს ბიუჯეტის გადანაწილებას იმგვარად, რომ მეტი წილი თანხებისა განათლების სამინისტროში ჩაიდოს, ეს უნდა იყოს მრავალწლიანი პროგრამა,რომელშიც ჩაერთვებიან სახელმწიფოები და დაეხმარებიან ერთმანეთს.
ინდუსტრიული რევოლუციის პროცესში ბევრი ორგანზიაცია აღმოაჩენს, რომ მათ არ შესწევთ ძალა უპასუხონ თანამედროვეობის გამოწვევებს. ამ პროცესში ჩაებმებიან უმაღლესი სასწავლებლებიც, საგანმანათლებლო რევოლუციის ფარგლებში მათი ძირითადი დისკუსი იქნება ასწავლონ:
1) იმისთვის,რომ ბავშვები მზად იყვნენ ცხოვრებისეულ სირთულეებთან საბრძოლველად, თუ
2) იმისთვის,რომ გახდნენ კარგი მოხელეები; მეთოდოლოგიის ცვლილება გამოწვეული იქნება თანამედროვე მოთხოვნებისა და საჭიროებებიდან გამომდინარე. გაუქმდება სპეციალობები და საჭირო გახდება ახალი წიგნების დაწერა, შეიქმნება ლაბორატორიები და ახალი სასწავლო კორპუსები.რაც ბუნებრივია დიდ თანხებთან იქნება დაკავშირებული.
„თბილისი თაიმსი“ სააგენტო weforum.org-ზე დაყრდნობით, გთავაზობთ სასწავლებლად მსოფლიოს ყველაზე იაფ ქალაქებს სტუდენტებისა და მოსწავლეებისთვის. დიაგრამაზე ასახულია საყოფაცხოვრებო საჭიროების, საცხოვრებელით უზრუნველყოფისა და სწავლის ფასები. როგორც ხედავთ, სასწავლებლად მსოფლიოს ყველაზე იაფ ქალაქად ბერლინია მიჩნეული.
საგანმანათლებლო რევოლუციის საფუძველი1961 წლიდან იწყება. ამ წელს აშშ-ში დაიბეჯდა წიგნი “Summerhill”, წიგნის ავტორი A.S Neill აკრიტიკებდა თანამედროვე საჯარო სკოლებსა და უმაღლეს სასწავლებლებს მათი დროსთან შეუსაბამო სწავლების გამო. წარსულში ადამიანები ფიქრობდნენ, რომ საგანმანათლებლო რევოლუციის პარალელურად, სწავლება გაძვირდებოდა, დღეს კი მეცნიერები ამტკიცებენ რომ მეთოდოლოგიის ცვლილება პირველ ეტაპზე იქნება მხოლოდ დიდ თანხებთან დაკავშირებული, შემდეგი ეტაპისთვის ფასები დავარდება. მათი აზრით, ზოგიერთ ქვეყანაში ეს პროცესი უკვე დაწყებულია.
ნათია კეკენაძე
