12:00 საათის მდგომარეობით, ამომრჩეველთა აქტივობამ 19,81% შეადგინა. როგორც ცესკო-ს სპიკერმა ანა მიქელაძემ საინფორმაციო ბრიფინგზე განაცხადა, რაოდენობრივად აღნიშნული მაჩვენებელი 695 948 ამომრჩეველს შეადგენს.
მისივე ინფორმაციით, ამ დროისათვის ყველა საარჩევნო უბანზე ხმის მიცემის პროცესი მშვიდ გარემოში მიმდინარეობს.
ამასთან, ცესკო-ს სპიკერმა ამომრჩეველს შეახსენა, რომ 24 საათის განმავლობაში მუშაობს ცენტრალური საარჩევნო კომისიის სატელეფონო-საინფორმაციო ცენტრი, რომლის ტელეფონის ნომერია- 2 51 00 51; ასევე, ონლაინ ჩატი და ონლაინ ოპერატორი.
„მოქალაქეებსა და დაინტერესებულ მხარეებს შეუძლიათ მიიღონ არჩევნებთან დაკავშირებული ნებისმიერი სახის ინფორმაცია”, – განაცხადა ანა მიქელაძემ.