ვადასტურებ მხოლოდ იმ ინფორმაციას, რომ საქართველოს პრემიერ-მინისტრი ამ თვის განმავლობაში გააკეთებს განცხადებას ახალი მთავრობის შესახებ, – ამის შესახებ საქართველოს ფინანსთა მინისტრმა ნოდარ ხადურმა, მის შესაძლო მოხსნასთან დაკავშირებული საკითხის კომენტირებისას განაცხადა.
ხადურის თქმით, მას სხვა ინფორმაცია არ აქვს და ყველაფერს პრემიერ-მინისტრი იტყვის.
„ვმუშაობ, ვაგრძელებ მუშაობას, ჯერ კონსულტაციებში მონაწილეობა არ მიმიღია. ეს ყველაფერი არის პრემიერ-მინისტრის კომპეტენცია, თქვენ ეს კითხვები პრემიერ-მინისტრს უნდა დაუსვათ. ძალიან კარგი მოლოდინი მაქვს”, – განაცხადა ნოდარ ხადურმა.
