“ჩვენ არ გვჭირდება საკუთარი მონეტარული პოლიტიკა. ლარი შეგვიძლია შევინახოთ და გადავიდეთ დოლარზე. თუ გვექნება მულტისავალუტო, თავისუფალი სავალუტო რეჟიმი, პენსიაც იქნება დოლარში და გადასახადებიც იქნება დოლარში”. ამის შესახებ “გრჩის” ლიდერმა ზურაბ ჯაფარიძემ ტელეკომპანია “GDS”-ის ეთერში, გადაცემა “2030”-ში ისაუბრა.
“მთავრობას წინა წლებშიც უნდა გადაედგა სხვა ტიპის ნაბიჯები, ეს ბიუჯეტი აჩვენებს, რომ საქართველო არის აღმოსავლეთ ევროპის განვითარებული ქვეყანა. ინფლაცია, ვალის მაჩვენებელი არ გვაქვს კატასტროფული, ამას არ იტყუებიან. თუმცა ჩვენ გვჭირდება რადიკალური ნაბიჯები, მთავრობის ხარჯები უნდა შემცირდეს. ამდენი სამინისტრო რომ არაფერში გვჭირდება, ქვეყანაში არის კონსენსუსი.
თუ მივდივართ ევროკავშირისკენ, შეგვიძლია გადავიდეთ ევროზეც. ამით ინვესტორებს ვუადვილებთ კალკულაციის გაადვილებას საქართველოში. ეს იდეა განხორციელებადია და არის ყევლაზე სწორი გზა. ბალტიისპირეთის ქვეყნები მიხვდენენ და საბჭოთა კავშირის დაშლის შემდეგ საკუთარი ვალუტა მიაბეს გერმანულ მარკას, შემდეგ კი ევროს და თავადაც შევიდნენ ევროკავშირში. ჩვენ ვცდილობთ გვქონდეს ჩვენი ვალუტა და ეს ემოციური ფაქტორია, თუმცა საქართველოს ეკონომიკა მთლინაად დოლარიზებულია.
ლარის კურსის ასეთი სწრაფი ვარდნის მიზეზი არის ეკონომიკური ზრდის მაჩვენებელი. ჩვენ გვაქვს ძალიან დაბალი ეკონომიკური ზრდა, ისეთი გნავითარების ქვეყნისთვის, როგორიც არის საქართველო, გვჭირდება გაცილებით მაღალი ზრდის ტემპი, ორნიშნა მაჩვენებელი. ეს არის ლარის დასტაბილურების ერთადერთი გამოსავალი.
კურსზე სხვა ფაქტორებიც ახდენს გავლენას. თუ იმპორტიორებმა, რომელთაც ქვეყანაში სხვადასხვა ტიპის პროდუქცია შემოაქვთ, გადაწყვიტეს რომ ქვეყნის გარეთ ბევრი პროდუქცია შეიძინონ და შემდეგ შემოიტანონ, ნიშნავს, რომ ქვეყნიდან დიდი რაოდენობით დოლარი გავა. თუ ექსპორტიორებმა იპოვეს ქვეყნის გარეთ ბევრი ხელსაყრელი ბაზარი, ეს ნიშნავს პირიქით დოლარის გადინებას. თუ ქვეყნის ფარგლებს გარეთ მცხოვრები საქართველოს მოქალაქეები საკუთარ ოჯახებს დიდი რაოდენობით თანხას ურიცხავენ, მეტი დოლარი შემოვა ქვეყანაში. თუ ბევრი ტურისტი შემოვიდა, მეტი ვალუტა შემოვა. ამ ფაქტორების ზუსტად გათვლა შეუძლებელია. მთავარი წყარო დასაბალანსებლად არის შემოსული ინვესტიციები. თუ გვექნება მაღალი ეკონომიკური ზრდა, გვექნება მეტი ინვესტიციები. ამ შემთხვევაშ ნებისმიერი პატარა რყევა, მეზობელი ქვეყნების ვალუტების გაუფასურებაც იწვევს ჩვენი ეროვნული ვალუტის კურსის გაუფასურებას. გამოსავალი, ერთი რეცეპტი არის სწრაფი ეკონომიკური ზრდა. ეროვნულ ბანკს უბრალოდ შეუძლია ინტერვენციით ნახტომისებური ზრდა შეაჩეროს,”-განაცხადა ჯაფარიძემ.
მანანა ღოღობერიძე