„ადამიანის სხეული არის მისი პირადი საკუთრება და ამაზე არის დაშენებული ყველა სხვა უფლება. პრობლემას ვქმნით როდესაც აკრძალვები შემოგვაქვს და არა თავისუფლებისას, როდესაც ზრდასრული ადამიანი თავად წყვეტს თავის სხეულს რა უქნას, თუნდაც დააზიანოს“. მარიხუანას ლეგალიზაციის მოთხოვნაზე და ხელისუფლების მიმართ წაყენებულ ულტიმატუმზე, რომ თუ 31 დეკემბრამდე კანონმდებლობა არ შეიცვლება მარიხუანას საჯაროდ დათესავენ, პოლიტიკური გერთიანება „გირჩის“ ლიდერმა ზურაბ ჯაფარიძემ ტელეკომპანია „იმედზე“, გადაცემა „ღია ეთერში“ ისაუბრა.
„არ განვიხილავთ, რომ ეს არის პროვოკაციული ქმედება. გვესმის, რომ სერიოზულ რისკზე მივდივართ, ვარღვევთ 265–ე მუხლის მე–3 ნაწილს, რომელიც 6–დან 12 წლამდე თავისუფლების აღკვეთას ითვალისწინებს. ხელისუფლებას ჯერკიდევ ბოლომდე არ აქვს გაცნობიერებული, რა შარში არიან. მათ მოუწევთ ან ახალ წლამდე შეცვალონ კანონმდებობა, თუ არადა მოუწევთ მთელი პარტიის, ნებისმიერ მოხალისის, ახალგაზრდის დაკავება. ჯერ–ჯრობით „ღლიცინის“ ხასიათზე არიან როცა კითხვას უსვამენ, თუმცა არ მგონია, რომ „საღლიცინოდ“ ჰქონდეთ საქმე.
საუბარია ლეგალიზაციაზე კულტივაზიის, შენახვის და მოხმარებისთვის. არ მგონია რომ ამას განსაკუთრებული მზაობა სჭირდებოდეს. კონკრეტული პრობლემა არის არა მთავრობა, არამედ შინაგან საქმეთა სამინისტრო, რომელსაც საბჭოთა დროიდან მოყოლებული აქვს კონკრეტული ბერკეტები ადამიანებზე ზემოქმედების, რომელიც სჭირდებათ ხან კრმინალური საქმეების გამოძიებისთვის, ხან არჩევნებისთვის. მათ ეს ბერკეტი ერთხელ და სამუდამოდ უნდა ჩამოერთვათ.
ამის გაკეთება არა თუ ორმოც დღეში, ერთ კვირაშიც შესაძლებელია, დაჩქარებულად რომ გატარდეს სამივე მოსმენა. რის გაკეთებასაც ჩვენ ვითხოვთ დიდი პროცედურები არ სჭირდება. ამ აკრძალვის შედეგი არის უამრავი განადგურებული ოჯახი, ქიმიკოსობა რომ დაიწყეს და მოიგონეს ვინტი, კრაკადილი. ჯანდაცვის კუთხით ეს უბრალოდ სასაცილოა. ლეგალიზაციის შემდეგ თუ გინდათ ფული დავხარჯოთ ანტინარკოტიკულ პროპაგანდაზე. ეს ბრძოლა უკვე მოგებულია ცივილიზებულ სამყაროში და არ მინდა, რომ საქართველოში კიდევ ათი წელი დავხარჯოთ. ცხოვრების ჯანსაღი წესი ადამიანისთვის არის კარგი და ეს იგივეა რომ წარმოვიდგინოთ, გვქონდეს კანონი, რომელიც ყოველ დილით კუს ტბაზე სირბილს გვავალდებულებს. ჩვენთვის ამოსავალი არ არის არც ჯანდაცვა, არც ეკონომიკა. ამოსავალი პრინციპია, რომ ზრდასრული ადამიანი თავისი სხეული ბატონ–პატრონია. ვიწყებთ მარიხუანით და ამას გავიტანთ ბოლომდე,“–განაცხადა ზურაბ ჯაფარიძემ.
მანანა ღოღობერიძე