იურიდიულ საკითხთა კომიტეტმა თავმჯდომარის სამი მოადგილე აირჩია. კომიტეტის თავმჯდომარის ეკა ბესელიას პირველი მოადგილე ვანო ზარდიაშვილი გახდა.
მის კანდიდატურას იურიდიულ საკითხთა კომიტეტის წევრთა უმრავლესობამ მხარი დაუჭირა.
რაც შეეხება ოპოზიციის კვოტას, კომიტეტის თავმჯდომარის მოადგილის პოსტზე კანდიდატურები როგორც ”ნაციონალურ მოძრაობას” , ასევე ”პატრიოტთა ალიანსს” ჰყავდა წარდგენილი.
კომიტეტმა ”ნაციონალური მოძრაობის” წევრ ოთარ კახიძესა და ”პატრიოტთა ალიანსის” წევრ ნატო ჩხეიძეს შორის არჩევანი ნატო ჩხეიძეზე გააკეთა. რაც “ნაციონალური მოძრაობის” წევრებმა გააპროტესტეს.
რაც შეეხება მოადგილეობის კიდევ ერთ კანდიდატს ”ქართული ოცნებიდან”, როგორც იურიდიულ საკითხთა კომიტეტის თავმჯდომარემ, ეკა ბესელიამ განმარტა, უმრავლესობაში ამ საკითხზე კონსულტაციები ჯერ კიდევ მიმდინარეობს.
