შინაგან საქმეთა სამინისტროს ანტიკორუფციული სააგენტოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად 1963 წელს დაბადებული მაგული ბ. საქართველოს ტერიტორიაზე განსაკუთრებით დიდი ოდენობით ნარკოტიკული საშუალებით შემოტანის ფაქტზე დააკავეს.
სამართლადამცველებმა ბრალდებული სარფის საბაჟო-გამშვებ პუნქტში დააკავეს. მაგული ბ–ს პირადი ჩხრეკისას საყოფაცხოვრებო სარეცხი საშუალების ქილაში მოთავსებული ნარკოტიკული საშუალება ამოიღეს, რაც ექსპერტიზის დასკვნით 100 გრამი „ჰეროინია“.
შსს-ს ცნობით, დაკავებული აღიარებს ჩადენილ დანაშაულს.
გამოძიება საქართველოს ტერიტორიაზე განსაკუთრებით დიდი ოდენობით ნარკოტიკული საშუალებით შემოტანის ფაქტზე მიმდინარეობს. (სსსკ-ს 262-ე მუხლის მე-2 ნაწილის „ა“ ქვეპუნქტით). დანაშაული 15-დან 20 წლამდე ან უვადო პატიმრობას ითვალისწინებს.
30.08.13
