კომპანია “თელასი” 26 ნოემბრის ღამის საათებში ავშნის ქვესადგურზე ტექნიკურ სამუშაოებს განახორციელებს, რის გამოც კომპანია „ჯორჯიან უოთერ ენდ ფაუერის“ გლდანის სატუმბო სადგურს ელექტროენერგია შეეზღუდება.
“ჯორჯიან უოთერ ენდ ფაუერის” ინფორმაციით, აღნიშნულთან დაკავშირებით, 26 ნოემბერს, 01:00 საათიდან დილის 10:00 საათამდე წყალმომარაგება შეუწყდება: გლდანის V, VI, VII, VIII მიკრო რაიონებს; სოფლებს: გიორგი წმინდას და ბერთუბანს; დიდი ტბის მიმდებარე დასახლებას; გლდანის სასჯელაღსრულების დაწესებულებას და გლდანის საცურაო აუზს; სოფელ გლდანში: გულიაშვილის, ბარათაშვილის, მაისურაძის, მარჯანიშვილის, მებაღიშვილის, ხერგიანის, ტიხონოვის ქუჩებს;
წყალმომარაგების შეწყვეტისა და აღდგენის შესახებ ინფორმაციას, „ჯორჯიან უოთერ ენდ ფაუერი“, აბონენტებს წინასწარ, SMS-შეტყობინების სახით მიაწვდის.
დეტალური ინფორმაციის მოძიება შესაძლებელია კომპანიის ცხელი ხაზის – 2 93 11 11, “ფეისბუქისა” და ვებგვერდის მეშვეობით.
