„ეს დიეტა კარგია ნებისმიერი ეროვნების ადამიანისთვის. ის უნივერსალური დიეტაა. არ ვარ გაგიჟებული ვარსკვლავებთან მუშაობით, მაგრამ მომწონს. საფრანგეთის პრეზიდენტმა ჩემი წყალობით დაიკლო წონაში. ეს ძალიან სასიამოვნოა“. ამის შესახებ, ცნობილი დიეტის ავტორმა, ექიმმა–ნუტრიციოლოგმა პიერ დუკანმა „რუსთავი 2“–ზე, გადაცემა „შუა დღესთან“ ექსკლუზიურ ინტერვიუში ისაუბრა.
„კაცობრიობის არსებობის ადრეულ ეტაპზე ადამიანი მონადირე იყო, ჭამდა ხორცს, ჩვენს რაციონში უამრავი, ახალი, ნახშირწყლების შემცველი საკვები გაჩნდა, რაც საფრთხის შემცველია. ჩვენი ფიზიოლოგია არ არის ამას შეჩვეული. პური იმ სახით, რა სახითაც დღეს ვიღებთ, არაა ის, რაც ადრე იყო. დღეს უამრავი ადამიანია, რომელსაც უნდა იყოს ვეგანი. მიყვარს ბოსტნეული, ის მნიშვნელოვანია ორგანიზმისთვის,თუმცა ეს არ არის საკმარისი. ჩვენ აუცილებლად გვჭირდება მცირე დოზით პროტეინი. ჩვენ შექმნილები ვართ პროტეინისგან. ძვლებიც კი პროტეინია, კანი, თმაც. სხეულს სჭირდება პროტეინი, რომლის არ მიღების შემთხვევაშიც კუნთოვან მასას დავკარგავთ.
პაციენტები ხშირად მეუბნებიან, რომ მე და ჩემი ქმარი ერთნაირად მივყვებით დიეტას, მაგრამ ის უკეთ იკლებს. ეს კუნთოვან მასაზეა დამოკიდებული, ქალს უფრო მეტი ცხიმი აქვს, კაცს კი მეტი კუნთოვანი ქსოვილი. მაგალითად ქალის მკერდი, თეძოები, ყველაფერი ცხიმისგან შედგება. ფიქრობენ, რომ თუ ჯანსაღი ცხოვრების წესით ცხოვრობ, შეიძლება წონაშიც დაიკლო. ეს ასე არ არის, ამ შემთხვევაში უბრალოდ შეგიძლიათ შეინარჩუნოთ წონა. თუ წონის დაკლება გსურთ, მას ომი უნდა გამოუცხადოთ. მთავარი პრინციპი მტერთან ბრძოლაა. ჩემს დიეტაში მთავარი ნახშირწყლების პრობლემაა, ეს ჩვენს გენეტიკაში არ დევს და ორგანიზმი ვერ ეგუება.
ფიზიკური აქტივობა მნიშვნელოვანია წონის დაკლებაში. როდესაც დილით უემოციოდ იღვიძებ, არ არის კარგი. უნდა გქონდეს სიცოცხლის, რაიმეს კეთების სურვილი. სიმინდის ბურბუშელა ძალიან ცუდია, ჩვენ კი ბავშვებს ვაჭმევთ. ეს არის მიზეზი, რატომაც გასუქნდნე ამერიკელები. მეორეა ლუდი, ბანანი ზედმეტად არ უნდა მივირთვათ, ასევე ბრინჯი, თეთრი ფქვილი. შაქარს გამოვრიცხავ, მარილს კი არა,“ – განაცხადა პერ დუკანმა.
მანანა ღოღობერიძე
