მასწავლებელთა პროფესიული განვითარების ეროვნული ცენტრის ინიციატივითა და ორგანიზებით, ფრანგული ენის 10 მასწავლებელი, საფრანგეთში, პარიზში არსებულ აკრედიტებულ სასწავლო ცენტრში – „France Langue“ კვალიფიკაციის ამაღლების 12-დღიან კურსს გაივლის.
სტაჟირების მიზანია მასწავლებელთა პროფესიული განვითარება. კერძოდ, ენის სწავლების შესაბამისი სტრატეგიების გაცნობა და პრაქტიკაში დანერგვა, შეფასების მომზადება ევროპული ჩარჩოს მიხედვით, სასწავლო მიზნების განსაზღვრა, შესაბამისი აქტივობების დანერგვა და მოსწავლეთა მოტივაციის ამაღლება.
პროექტში ჩართული პედაგოგები მასწავლებელთა პროფესიული განვითარების ეროვნული ცენტრის მიერ ჩატარებული კონკურსის საფუძველზე შეირჩნენ.
მასწავლებელთა პროფესიული განვითარების ეროვნული ცენტრი უცხოური ენისა და ფიზიკის მასწავლებლებს კვალიფიკაციის ამაღლების სხვადასხვა შესაძლებლობას ყოველწლიურად სთავაზობს. 5 წლის განმავლობაში ევროპის სხვადასხვა კვლევით და სასწავლო ცენტრებში სტაჟირება 200-ზე მეტმა მასწავლებელმა გაიარა.
