„გვრჩება შთაბეჭდილება ერთპარტიულ გადაწყვეტილებებთან დაკავშირებით. შესაბამისად საქართველოს პრეზიდენტმა მიიღო გადაწყვეტილება, რომ პრეზიდენტი და მისი წარმომადგენლები არ ჩაერთვებიან კომისიის საქმიანობაში. არ ვიცი ვის რა მიზნები ჰქონდა, ერთი რამ ვიცი, რმ ჩვენ მოვწყდით მთავარ ორბიტას“. ამის შესახებ პრეზიდენტის ადმინისტრაციის უფროსმა გიორგი აბაშიშვილმა „რუსთავი 2“–ზე, გადაცემა „კურიერის“ ეთერში ისაუბრა.
„არც საქართველოს კონსტიტუციაში და არც რომელიმე საკანონმდებლო აქტში არ არის ჩამოყალიბებული და გაწერილი საკონსტიტუციო კომისიის ფორმირების წესი. ეს კომისია თავისი არსით არის ლეგიტიმური პოლიტიკური ინიციატივა და ამიტომ განსაკუთრებული მნიშვნელობა ენიჭება, რომ სარგებლობდეს მაღალი კონსენსუსით, მაღალი ნდობით, მაღალი აღიარებით. პრეზიდენტის ინიციატივა სწორედ ამ ჩარჩოდან გამომდინარეობდა. ჩვენ ვნახეთ პარლამენტის დადგენილება საკონსტიტუციო კომისიის ფორმირების წესთან დაკავშირებით. სამწუხაროდ რაც მოვისმინეთ, ეს აბსოლიტურად საპირისიროა და ბადებს ბევრ კითხვის ნიშანს.
კონსტიტუციაში არის ნორმა, რომელიც გულისხმობს საკონსტიტუციო ცვლილებების საყოველთაო სახალხო განხილვას. ჩვენ აქტიურად ავამუშავებთ საყოველთაო სახალხო განხილვის პროცესს, მას აქამდე მხოლოდ ფორმალური ხასიათი ჰქონდა. ეს არ ნიშნავს ბოიკოტს.რეალურად ყველა ადამიანს ეცოდინება რა ცვლილებები უნდა განხორციელდეს და კონკრეტული ინიციატივა როგორ შეცვლის მათ ცხოვრებას. დაპირისპირება არასოდეს ყოფილა პრეზიდენტ მარგველაშვილის არჩევანი. თუმცა გვინახავს სხვა პოლიტიკოსების ასეთი არჩევანი. ბევრი ეს პოლიტიკოსი შეიძლება პოლიტიკირ არენაზე აღარ არის, ეს ფილმი უკვე ნანახია.ჩვენ ყოველთვის მზად ვართ ღიაობისთვის, დისკუსიისთვის. ვერასდროს ჩავერთვებით ისეთ პროცესებში, რომელიც არ არის დემოკრატიის ხელშემწყობი,“–განაცხადა გიორგი აბაშიშვილმა.
მანანა ღოღობერიძე
