14 დეკემბრის მონაცემებით, ცეცხლის შეწყვეტის შეთანხმების მიუხედავად, ალეპოს დაბომბვა გრძელდება. ტელეკომპანია „ალ ჯაზირას“ ცნობით, სირიის სამხედრო ქვედანაყოფები მშვიდობიან მოქალაქეებს თავს ესხმიან და მათ სახლებში იჭრებიან. ბოლო მონაცემებით, ქალაქის ერთ ნაწილში გარდაცვლილია 82 ადამიანი, მათ შორის 11 ქალი და 13 ბავშვი. ქალაქის აღმოსავლეთ ნაწილს აკონტროლებენ ამბოხებულები, რომლებიც ქალაქს ბომბავენ. ადგილზე იმყოფება სირიელი მოხალისეთა ჯგუფი The White Helmets,ისინი მოსახლეობის გადარჩენას ცდილობენ. მათი წარმომადგენელი, იბრაჰიმ აბუ ალ-ლაითის თქმით, ბევრი ადამიანი თავს იკლავს,რათა არ ჩავარდნენ ასადის ჯარისკაცების ხელში.
იუნისეფი გამოეხმაურა არსებულ ვითარებას და საერთაშორისო თანამეგობრობას მოუწოდა,რომ ადგილიდან სასწრაფოდ მოხდეს ბავშვების ევაკუაცია.
ცნობებს თავად სირიელი მოქალაქეებისგანაც ვიღებთ, სოციალურ ქსელში უკვე გავრცელდა 26 წლის აქტივისტის ლინა შეიმის ვიდეო, რომელშიც ის ამბობს, რომ ალეპოს მოქალაქეები გენოციდის მსხვერპლნი არიან, მისი თქმით, დაახლოებით 50 ათასი ადამიანი აღუდგა წინ ასადის დიქტატორულ რეჟიმს.
გაეროს წარმომადგენლის ზეიდ რად ალ-ჰუსეინი მოუწოდებს ინტერვენციისკენ შეერთებულ შტატებს და სხვა ქვეყნებს, ის ამბობს, რომ ჩაურევლობა სამომავლოდ უფრო დიდი საფრთხის შემცველი იქნება,არამხოლოდ ალეპოსთვის,არამეთ სხვა ქალაქებისთვისაც.
არიზონას და სამხრეთ კაროლინის შტატების ხელმძღვანელებმა საჯაროდ განაცხადეს,რომ დუმილი და უმოქმედობა არის დღევანდელი მსოფლიოს სირცხვილი.
თეთრი სახლი მოუწოდებს რუსეთს, მისცეს გაეროს უშიშროების საბჭოს საშუალება,რომ ჰუმანიტარული დახმარება მიაწოდოს ალეპოს მოსახლეობას. პრეზიდენტ ტრამპს ოფიციალური განცხადება,ჯერჯერობით, არ გაუკეთებია.
გარდა თეთრი სახლისა, გაერომ და წითელი ჯვრის საერთაშორისო კომიტეტმა უკვე მიმართეს რუსეთს,რომელიც ასადის რეჟიმს ავიაციით ეხმარება, შეწყვიტონ ინტენსიური თავდასხმები და მშვიდობიან მოქალაქეებს ტერიტორიის დატოვების საშუალება მისცენ.
ალეპოს მხარდასაჭერად, პარიზის მერმა ან იდალგომ ეიფელის კოშკის ჩაბნელების შესახებ განაცხადა.
ნათია კეკენაძე