ფეისბუკმომხმარებელი თეა თხილაშვილი სოციალურ ქსელში მიმართვას აქვეყნებს:
,,1 კვირის წინ, 6 დეკემბერს ვიმყოფებოდი საავადმყოფო ფურცელზე (ვირუსი მქონდა, მაღალი სიცხე). ოჯახის ექიმმა შემომთავაზა სისხლის საერთო ანალიზის აღება. მე, რა თქმა უნდა, დავთანხმდი. 7 დეკემბერს, სისხლის ანალიზში აღმოჩენილი ცვლილების მიზეზით, გამაგზავნეს ჰემატოლოგიისა და ტრანსფუზიოლოგიის სამეცნიერო კვლევით ინსტიტუტში, სადაც ჩემი ანალიზი შეისწავლა პროფესორმა მარინა აბაშიძემ. (http://www.nplg.gov.ge/bios/ka/00001971/).
7 დეკემბერს დამირეკა ქალბატონმა მარინამ და მითხრა მეორე დღეს 10 საათზე მივსულიყავი სასწრაფო ანალიზებზე. თან დაამატა-,,ხომ იცით, ყველაფერი თანხებთან არის დაკავშირებული”. აღმოჩნდა, რომ სისხლში თრომბოციტების მაჩვენებელი იყო ძალიან დაბალი (0,02, ნორმა 0,108-0,282-მდეა). “თუ ის აღმოჩნდა, რასაც მე ვფიქრობ, ექვემდებარება მკურნალობას, მაგრამ თუ არა…”,-მეუბნებოდა ქალბატონი მარინა, მაგრამ მე უკვე აღარ მესმოდა. ვგრძნობდი, როგორ მეყინებოდა ძარღვებში სისხლი. აღარ მახსოვს როგორ გამოვედი ექიმის კაბინეტიდან. თან მომქონდა ანალიზების ჩამონათვალი, რომლის ღირებულებაც, ექიმის მითითებით, სალაროში უნდა გამერკვია და მეორე დღეს გამეკეთებინა.
ალბათ გესმით, მაგრამ მაინც რთული წარმოსადგენია ჩემი მდგომარეობა. საღამოს ჩემმა მეგობარმა დაურეკა ქალბატონ მარინას და ცდილობდა აეხსნა მისთვის, რას შეიძლებოდა გამოეწვია ანალიზში ცვლილებები და რატომ არ უნდა ეჩქარა ექიმს ისეთი მძიმე დიაგნოზის დასმა, როგორი ლევკემიაა(!!!). მიუხედავად ამისა, მისი პასუხი კატეგორიული იყო:”თქვენ ხართ პასუხისმგებელი, თავში სისხლდენა რომ დაეწყოს??!!! სასწრაფოდ უნდა ამოვიღოთ ელენთა, დავიწყოთ ქიმიოთერაპია, დავაწვინოთ საავადმყოფოში და დავუწყოთ მკურნალობა, ყოველი წუთი მისთვის საზიანოა. მას სჭირს ლევკემია, რომელიც სასწრაფოდ მკურნალობას საჭიროებს!”
ჩემი მეგობრების დახმარებით და რჩევით (მადლობა მათ!!!) მიუხედავად უდიდესი სტრესისა და შიშისა, მეორე დღესვე გავაგრძელე გამოკვლევები-ყველა ორგანოს და ყველა შესაძლო დაავადების (ღვიძლის ფუნქციები, ჰეპატიტები, მუცლის ღრუს ულტრაბგერითი გამოკვლევა). განმეორებითმა სისხლის ანალიზმა (სხვა კლინიკაში) თრომბოციტების მატება აჩვენა უკვე 60. (ნორმა 170-400).
მადლობა ოთო თაბაგარს, ლევან მახალდიანს, მანანა შატბერაშვილს, სპარტაკ გელაშვილს და კიდევ მათ, ვინც მონაწილეობა მიიღო ჩემი ჯანმრთელობის გამოკვლევასა და სწორი დიაგნოზის დასმაში. დღეს ჩემი თრომბოციტების მაჩვენებელი არის 228 და ვარ სრულიად ჯანმრთელი! გთხოვთ გააზიაროთ! არ მინდა, რომ სხვებმაც გაიზიარონ ეს განსაცდელი-მცდარი დიაგნოზი, მცდარი მკურნალობა და თანხების ხარჯვა საჭიროების გარეშე, რისკენაც ისწრაფოდა “პროფესორი” მარინა აბაშიძე. ჯანმრთელ ადამიანს მაუბედურებდა და ქიმიოთერაპიას მიკეთებდა! ეს ექიმი სულ მცირე ლიცენზიის შეჩერებას იმსახურებს!!!”