მარჯვენასაჭიანი ავტომანქანების იპორტი აღარ აიკრძალება. ამ თემაზე ჟურნალისტებთან შს მინისტრის მოადგილემ, შალვა ხუციშვილმა ისაუბრა.
როგორც ხუციშვილმა აღნიშნა, საგზაო მოძრაობის უსაფრთხოების კანონპროექტში ცვლილებები შევა, სადაც გათვალისწინებულია ფინანსთა სამინისტროს ინიციატივა განბაჟების გადასახადის მატებასთან დაკავშირებით, რაც თავისთავად შეამცირებს მარჯვენასაჭიანი ავტომობილების შემოყვანას.
“ჩვენი ინიციატივა იყო იმპორტის აკრძალვა, რომლის მიზანსაც წარმოადგენდა, შემცირებულიყო მარჯვენასაჭიანი მანქანების რაოდენობის კატასტროფული ზრდა. გარკვეულწილად, ეს შედეგი მიიღწევა განბაჟების გაძვირებითაც. რადგან ეს ორივე გზა ისახავს ერთ მიზანს, ჩვენ მხარი დავუჭირეთ ფინანსთა სამინისტროს ინიციატივას, ანუ რეგისტრაციის გაუქმება აღარ იქნება”,-აღნიშნა შალვა ხუციშვილმა.
ამასთან, ხუციშვილის თქმით, პარალელურად მიმდინაორებს მუშაობა, რომ მომავალ წელს საგზაო უსაფრთხპოების უზრუნველყოფა და მოწესრიგება გადავიდეს ახალ ტექნოლოგიებზე.
“ახლა ვმუშაობთ ჭკვიანი კამერების და რამდენიმე მნიშვნელოვან პროექტზე”,-აღნიშნა შალვა ხუციშვილმა.
