„ოჯახში ძალადობა ერთ–ერთი ყველაზე რთულად გამოსავლენი და რთულად მართვადი კონფლიქტური სიტუაციაა. აქ საუბარია ოჯახის წევრებზე, რომლებსაც ერთმანეთთან ემოციური და ნათესაური კავშირი აქვთ. ამიტომ მათგან რთულია დასაყრდენი ინფორმაციის მიღება“. ამის შესახებ შინაგან საქმეთა სამინისტროს საერთაშორისო ურთიერთობების დეპარტამენტის წარმომადგენელმა მაკა ფერიძემ „საზოგადეობრივ მაუწყებელზე“, გადაცემა „რეალური სივრცის“ ეთერში ისაუბრა.
ვერ დავიტრაბახებ, რომ ყველა რეაგირება სასიკეთო შედეგით მთავრდება. თუმცა ამას თავისი სუბიექტური და ობიექტური მიზეზები აქვს.ხშირად ადგილზე მისულ პოლიციელს აღარ ეთანამშრომლება არც მოწმე, არც მსხვერპლი. სამწუხაროდ ხშირად სიმართლის დამალვის მიზნით მსხვერლი აბსურდულ ტყუილსაც ეუბნება სამართალდამცველს. შინაგან საქმეთა სამინისტრო, როგორც ამ პრობლემაზე მორეაგირე ერთ–ერთი მთავარი უწყება, თავის სტრატეგიაში ორი მთავარი მიმართულებით მუშაობს. ერთი მიმართულება არის ოჯახში ძალადობის პრევენცია, განსაკუთრებით ფატალურად დამთავრებული შემთხვევების პრევენცია და შეძლებისდაგვარად შემცირება. მეორე მიმართულება არის შესაბამისი კვალიფიკაციის მქონე და საკითხის მცოდნე პოლიციელები. პოლიციელებს უტარდებათ ინტენსიური ტრენინგები და საკვალიფიკაციო ვარჯიშები, რომ ზუსტად იცოდნენ რა სამართლებრივი მეთოდები არსებობს ძალადობის ესკალაციისთვის.
ევროკავშირის მხარდაჭერით 2016 წლის იანვრიდან დღემდე მიმდინარეობს პროექტი „შინაგან საქმეთა სამინისტროს ხელშეწყობა ოჯახში ძალადობის წინააღმდეგ ბრძოლაში“. 24 ოქტომბერს გაიმართა ჩვენი სოციალური კამპანიის „ძალა ნდობას“ პრეზენტაცია. ეს კამპანია მიზნად ისახავს ერთი მხრივ საზოგადოების ცნობიერების ამაღლებას იმ სამართლებრივ მექანიზმებზე, რასაც ახორციელებს პოლიცია ადგილზე მისვლისას. ამ სლოგანით მოვუწოდებთ მოქალაქეებს, რომლებსაც აქვთ მერყევი ნდობა სახელმწიფო სტრუქტურების მიმართ,“–განაცხადა მაკა ფერიძემ.
მანანა ღოღობერიძე