საქართველოს ჭიდაობის ფედერაციის პრეზიდენტად გეგა გეგეშიძე აირჩიეს.
ფარული კენჭისყრის შედეგად გეგეშიძემ ხმათა უმრავლესობა მიიღო.
არჩევნებში 46 ხმა გეგა გეგეშიძემ მიიღო, სამი ხმა ესტატე გოგლიჩიძემ, მანუჩარ კვირკველიამ – 24 ხმა, ხოლო ერთი ხმა ბათილად სცნეს.
ჭიდაობის ფედერაციის პრეზიდენტობაზე სამი კანდიდატი იყრიდა კენჭს – ფედერაციის მოქმედი პრეზიდენტი, ოლიმპიური ჩემპიონი მანუჩარ კვირკველია, ვეტერანებში მსოფლიო არაერთგზის გამარჯვებული ესტატე გოგლიჩიძე და შს ყოფილი მინისტრის, ალექსანდრე ჭიკაიძის დაცვის ასევე ყოფილი უფროსი გეგა გეგეშიძე.
