“კონტრდაზვერვა არის სპეციფიკური საქმიანობა, იგი მოიცავს განსაკუთრებულ, სპეციალურ ოპერატიულ ღონისძიებებს. დღეს, როდესაც მსოფლოში მზარდია ტერორიზმის საფრთხე, ორგანიზებული დანაშაული,მეტი ყურადღება უნდა დავუთმოთ კონტრდაზვერვას”. კონტრდაზვერვის შესახებ კანონის ნორმის შესახებ პარლამენტის თავდაცვისა და უშიშროების კომიტეტის თავმჯდომარემ ირაკლი სესიაშვილმა ტელეკომპანია “იმედზე”, გადაცემა “ქრონიკის”ეთერში ისაუბრა.
“ჩვენი დისკუსია ამ თემაზე გავლენას არ მოახდენს საკონსტიტუციო სასამართლოს გადაწყვეტილებაზე, რომელსაც რა თქმა უნდა ყველამ პატივი უნდა ვცეთ. ის მოიცავს აგენტურულ სამუშაოს და განსაკუთრებულ უნარ-ჩვევებს, რომელიც ეფუძნება ტერორიზმთან ბრძოლის მეთოდოლოგიას. ეს არ არის ჩვეულებრივი გამოძიება, სადაც მკაცრად და პრინციპულად ვატარებთ საერთაშორისოდ აღიარებულ ადამიანის უფლებების ძირითად პრინციპებს. მეტ-ნაკლებად საჭიროა ოქროს შუალედის მოძებნა დროსა და სივრცეში.
პირველ რიგში თავდაცვისა და უშიშროების კომიტეტი, ნდობის ჯგუფი, რომელიც პროგრამულად ახდენს სახელმწიფო უსაფრთხოების სამსახურის სპეციალურ პროგრამებზე ზედამხედველობას. გარდა ამისა მნიშვნელოვანია საპროკურატურო ზედამხედველობა. ერთმანეთის მიმართ ნდობა უნდა გაგვაჩნდეს. თუ რიგით პოლიციელს ვაძლევთ უფლებას,რომ მან ატაროს იარაღი და არ ვუშვებთ,რომ მან შეიძლება ის დანაშაულისთვის გამოიყენოს. ასევე სპეცსამსახურებს რაღაც ნაწილში უნდა ვენდოთ. თავდაცვის სამინისტრო საჭიროებდა და დღესაც საჭიროებს სერიოზულ ოპტიმიზაციას. ამას არ ვამბობ დღევანდელი გადმოსახედიდან”-განაცხადა ირაკლი სესიაშვილმა.
მანანა ღოღობერიძე
