„ხალხი, რომელიც ახალი ლოზუნგის ქვეშ გაერთიანდა, საქართველოში სააკაშვილთან ერთად ჩადიოდა დანაშაულს, ჯერ პასუხი უნდა გასცენ გარკვეულ კითხვებს“. „ერთიანი ნაციონალური მოძრაობის“ გაყოფის და ფრაქციების დაპირისპირების შესახებ პარლამენტის ვიცე–სპიკერმა გია ვოლსკიმ „ტვ პირველზე“, გადაცემა „დიანა ტრაპაიძის შეკითხვის დროს“ ეთერში ისაუბრა.
„ლოზუნგი და წყალგამყოფის იდეა სწორად დაინახეს, მაგრამ ჯერ–ჯერობით იდეად რჩება და მთავარი შეჯიბრება ექნებათ თუ ვინ უფრო მაგრად გალანძღავს ქართულ ოცნება, ვინ უფრო მეტად დაატრიალებს დემაგოგიის კორიანტელს
დაძაბულობა მოიმატებს, ერთმანეთის მიმართ აქვთ სერიოზული ბრალდებები. თითქოს ერთი აკეთებს „ქართული ოცნების“ საწინააღმდეგო საქმეს და მეორეს ეუბნება, რომ ხელს უწყობს „ქართულ ოცნებას“ გამარჯვებაში. საბოლოოდ ტყუილს და მართალს აურევენ ერთმანეთს და ორივე იქნება დესტრუქციული. მწვავე დაპირისპირების მიუხედავად უნდა იყოს პროფესიული, ინტელექტუალური ბრძოლა“.
გია ვოლსკიმ „NDI“–ის კვლევის შედეგებზეც ისაუბრა, რომლის მიხედვითაც უმუშევრობა და სიღარიბე მოქალაქეების მთავარი პრობლემაა.
„ „NDI“–ის გამოკითხვა ერთგვარი უმადური შრომაა. ისედაც ზუსტად ვიცით სად არის პრობლემები, ამას კვლევა არ სჭირდება“.
მანანა ღოღობერიძე
